بحبك ما تسالنيش ليه
ولا عاوز اعرف ليه
هو حب من غير ليه
متيجي هو انت غايب ليه
والا بتتقل عليا يابن الايه
ــــــــــــــــــــــــــــــــــــــ
حبي ليك هو الامان
ولا فيوم قلبي خان
تعال بقى كفايه جنان
كفايه صد اديني حنان
بحبك اتكتب عنوان
ــــــــــــــــــــــــــــــ
أحايل فيك مساء وصباح
وقلبي ليك بقى مرتاح
تعال نقطف الورد
بلاش عند ولا مناهدة
دا حبي ليك فاق الحد
تعبت انا تعال بجد
ـــــــــــــــــــــــــ
أحب عندك وغرورك
وأعشق في الهواء نورك
أنثر بالهواء بذورك
تفتح زهرة ألياسمين
تزرع شوق تلاقي حنين
ـــــــــــــــــــــــ
عمر الحب ما كان يوم كدب
الحب سهم وصاب القلب
ملح الحب خصام وعتاب
وعذابه يما احلى عذاب
آآه يانا منه دق الباب
فتحت لقيت اغلى الاحباب
ــــــــــــــــــــــــــــــ
غرام وود وشوق وهيام
وعند ف عند تعال قوام
تحس بلهفتي وحبي
وأشواقي وآحلامي
يرعرع حبنا الصافي
يفتح وردنا نادي
تلاقيني بكل مكان
ورده منوره البستان
ــــــــــــــــــــــــــــ
نور الصباح هل عليا
لما حبيبي سأل عليا
وضمة ورد أهداني
قلي تعالي يا غاليه
نطير نحلم ولا نهدي
ببستان حلمنا ألوردي
ـــــــــــــــــــــــــــ
تتقل عليا وتداري
وتسبني أتكوي بناري
بتهرب مني يا غالي
كفايه لوم كفايه عتاب
قدرنا أتكتب بكتاب
ـــــــــــــــــــــ
الحب يعمر بالإحساس
كتلة مشاعر يابن الناس
الحب لو كان يوم كلمة
يبقى خلاص خربت
يا ناس
ـــــــــــــــــــــــ
حبك قدري ونصيبي
ونغمة عمري وألحاني
بقلبك فرشت عرشي
وبين جفونك مملكتي
أنت سعادتي وعمري
ونقشك محفور بصدري
أنت يومي وغدي
وعالمي إللي
مش بينتهي
ـــــــــــــــــــــــــــ
ألحب برعم
يتفتح بكلمة حلوه
لمسه حانيه
بهمسة دافيه
تفرح تطير
كما ألعصافير
تلاقي الكون
هنا وسرور
ــــــــــــــــــــــ
حبيتك إنتي يا بنت ألايه
دخلتي قلبي وتربعتي
سعيده بحبك
ماتعرفيش
قد أيه
ــــــــــــــــــــ
ألحب كله ود ف ود
لا شك ولا حيره ولا عند
الوفا أصلي وطبعي
ويوم ماحب
أحب بجد
ــــــــــــــــــــــــ
كان قلبي دايما مهموم
يعرف صاحبه ألمجهول
إنما دلوقتي بقول
صاحبى ظهر وبان
وحبيبي المجهول
أصبح معلوم
ـــــــــــــــــــــــــ
بحبك وأداري
ياويلي ومراري
من حبك يا غالي
ليلي صبح نهاري
ــــــــــــــــــــــــــــ
بحبك وبموت فيكِ
وبرمش العين أداريكِ
غلاوتك بقلبي مالها حد
دا سر أوعي تقولي لحد
ـــــــــــــــــــــــــــ
الحب لما بسهمه يصيبك
دا يبقى قدرك ونصيبك
الحب عذابه نار تكوي
حيرة ومرار يانا يا غلبي
متقدر تقوله ف يوم لأ
دانت تروح اله قوام تجري
بتشكي منه وكمان تبكي
آآآآآآآه منك أنت بتخبي
بتحب وبتداري ف قلبك
تسهر و تكتب أشعار
جاي تقلي الحب مرار
وعنيك من الغيره
تطق شرار
الحب يابن الناس دا كبير
مايفرق بين صغير وكبير
تسرح معاه وتدوب وتطير
ـــــــــــــــــــــــــــ
أسمع كلامك أصدقك
ألاقي العجب أمرك
تحبني وتموت فيا
وأنت طير دايما بتطير
وتحط على عش ألعصافير
عاملي فيها شهريار
سيفك فيها كمان بتار
نصيبي أحبك يا غدار
ــــــــــــــــــــــــــ
بحبك ومش راح أداري
دا حبك بيحلي مراري
قدرت تبعد وتنساني ؟
النوم ف بعدك جفاني
وحفضل أقول آآآآآآآآه ياني
وأخرة صبري
بنكوي بناري
Falling hearts Here
ليست هناك تعليقات:
إرسال تعليق