ام علي (( 15 ))

ياااااااااااه الواحد انهد حيله طول النهار مبارح شغل تعزيل شتوي وصيفي وغسيل سجاد
يالله الحمد لله على نعمة الصحه الله يقوينا
ما أحلا الصيف والله صدق من قال (( الصيف كيف )) أخف وأنظف لا حرامات (( بطاطين )) ولا سجاد
بس الله يعينا ع القش (( الشطف )) بس يالله اشي اهون من اشي

نقعد النا شوي عالنت زمان مافتحت

اهلا وسهلا بعودتك ياقمر


يا حلو صبح يا حلو طل
صباحنا نادي صباحنا فل
يارب دايما يهنينا
بوجودك انتي يا ست الكل

ياعيني عالصباحات الحلوة

والله تلاقي اللي كاتب هالحكي مابيصبح على اهل بيته وبوزه دايما شبرين
وجاي هون ينشكح ويصبح ويبتسم

يالله ماعلينا (( البيوت اسرار )) واحنا مالنا الا بالظاهر

تعى لنفوت (( ندخل )) العامي نشوف الشعر

ياسلام سلم بيتحدونا قال وبيكتبو فينا شعر ساخر

اي والله من غيرنا مابتقدرو تعيشو بس كله جر اجر عشان نرد عليكم وهات يا طيخ طيخ ببعض

اي صدق من قال (( القط بيحب خناقه ))

مرحبا ام علي كيفك ؟؟

هلا والله سوزي

الحمد لله انتي كيفك ؟؟
انا الحمد لله ماشفتك من فترة ؟
اه والله كنت مشغولة بالتعزيل منتي عارفه صيفي وشتوي وشغل بيهد
ماكان الي اخلاق اقعد ع النت .

ياالله الله يعطيكي العافيه المهم انك بخير

لا الحمد لله بخير . وانتي شو عامله شو اخبارك

انا الحمد لله بخير هيني بالمنتدى فتحت انفرج شوي واشوف اخبار اصحابنا

اها طيب وانا كمان







أم علي فينك ؟؟


لحظه تلفون .

اوكي خدي راحتك

الو
هلا بابو علي كيفك ؟
الحمد لله كيف اصبحتي ؟
الحمد لله بخير

ها شو ناويه تطبخي اليوم ؟

عندي مفتول (( كسكسون )) بدي اعمله

ماشي يعطيكي العافيه

شو رايك تجيب النا مسبحه (( حمص )) نفطر سوى

ماشي اعملي الشاي هيني جاي

ماشي سوزي سلام

بدي اعمل الشاي هلا جاي ابو علي نفطر سوى

ماشي الله معك

ياعيني مااطيب هالمسبحه والله يسلم الحامل والمحمول ابن عمي

الله يسلمك

طيب انا رايح بتوصي شي

لا سلامتك

نرجع للنت

يوووووووووه معلق (( مهنج )) نعمل اله ستارت والا منا عارف شو اسمها هاي

مرحبا ابو الفوارس كيفك ؟؟

ومين هذا كمان ابو الفوارس ؟؟

اميل مين هذا اللي انفتح لشوف

اها اميل ابو علي والله ومسمي حاله فارس زمانه

ياعمي عيش مين قدك

مين معي بلا صغره ؟

انا همسه مش عارفني ؟

ياحبيبي ومين همسه هاي كمان والله يابو علي من ورانا ماشي دبارك عندي

لا والله للاسف انا مش ابو الفوارس انا بنته واميله فتح معي لحاله

اها انا اسفه وسلمي على البابا ليرجع

الله يسلمك يوصل