اصعب شئ فى الدنيا

مش جرحك يا حبيب

اصعب شئ فى الدنيا

لما عليّا تغيب

يومها الدنيا بتهرب منى

والقى الجرح صعيب

طول مانت بعيد

علمنى ازاى اقدر احيا

طول مانت بعيد

اذا كان الليل قاسى عليّا

والشوق بيزيد

والشمس بتحدف كل نهار

فى القلب جليد

وحقوللك اييييييييييييييه

وانا قلبى ف ليل ونهار بيعيد

ارجعلى يا روح قلبى بسرعة

د القلب المشتاق بيندى

ويبعت تنهيد

طول مانت بعيد

(إنت الدنيا )

(إنت الدنيا )
...............

إقسى وإجرح أزعل وإفرح
إنـــت الدنـيـا وبـــره الدنيا
فين يا حبيبى ألاقى المطرح
*****
مهـما بتعـمل قـلـبى بـيـرضا يـزعـل مـمـكـن بـس بـيهـدا
بـيـسـافـر لـبعـيد وبـيـرجــع مـن بـحــر عـيـونـك يتـوضا
أنا من غيرك عمرى ماعيش إقـسـى عـليّا لـكـن بـشـويـش
دايـما قــرّب ما تسـيـبـنـيـش عايزة أنام ف عيونك واسرح
إنــت الـدنـيـا وبـره الـدنـيـا فـين يا حبـيبى ألاقى المطرح
*****
فـاكـر أول مــرة قـابـلــتـك فـاكــر لـما ناولـتـك صـورتـك
فـاكـر ريـشـتى وهى بـترسم نامـت ف عـيـونك وملامـحـك
لـيه دلـوقـتى بتـقـسى عـلـيّا لـيه وانا عارفـة هـواك حـنـّية
دايما قـلـبى بـيـبـقـى ضحـية وارجع انام ف عيونك واسرح
م انـت الـدنـيا وبـره الـدنـيا فـين يا حبـيـبى ألاقـى المطرح

طبع الهجر كافر

بحر عينى لو ينادى

موجه يعزف لحن هادى

يشعره الطير المهاجر

واما يلقى حبيبه سافر

ينقلب مجنون وهادر

بس عندك رايته بيضا

مهما تقسى والا تجرح

بين عينيك بينام ويسرح

عمره ما فكر يعافر

مد ايدك ليه وطبطب

تلقى كل البعد قرّب

دالهوى فى البعد يغضب

اصل طبع الهجر كافر

ياطير رماك الهوى على سكة المجاريح

والقلب لما اكتوى دمك صبح تباريح

كان ايه رماك يا طير يابو الجناح اخضر

وانت الضعيف تنكسر من رد فعل الريح

الصبر

الصبر ياهل القلم دا نعمة ف الأيام

.

يشتد بينا الألم تنزف جراحنا كلام

.

يحدف كلامنا ضيا على سكة المجاريح

.

يرتاحوا بعد الضنا ويعيشوا ف الأحلام

احبك

أكيد الشمس بتدفّي لكين بالليل بتتخفّى

وساعة بييجى يأذينا شعاعها لما يستعفّى

لكنه الحب شئ تانى دفاه فى الكون مالوهش مثيل

بتييجى الشمس على بابه عشان من طعمه تتدفّى

هاله

حبيبتى خلاص قصاد عينى

بقت فى الزفة قمراية

وكنتى من زمان عدى

ياهالة ف قلبى غنواية

وشمسك قبل ما تهلي

شعاعها بيحبى جوايا

كبرتى ياروحى دلوقتى

وشوفتك دنيتى انتى

تنادى يا ماما ياحبيبتى

خديلك صورة ويايا

دموع الفرحة تسبقنى

وافرد حضنى وأضمك

أشيل الطرحة بإيديّا

وأقطف وردة من خدك

وابص بعينى واتأمل

جمالك عمرى ما استكفى

حبيبتى خلاص بقت نجمة

وواقفة قصادى فى الزفة

ألاقى القلب بيزغرط

وترقص روحى ويايا

دى بنتى خلاص قصاد عينى

بقت فى الزفة قمراية

فعلا عاشقاك بجنون

يابو قلب رقيق وحنون

وان عدت نسمة قصادك

يبنيلك قلبى حصون

واسرح بخيالى وعينى

فى الحب اللى مدفينى

والغيرة ف ثانية تجينى

ترمينى ف بحر ظنون

قلبك على بري بجد

أو راح للبر التانى

وان صادف زاره المد

حيروح على اى موانى

وافضل محتارة وظنى

بيروح لبعيد وياخدنى

وأحس ف لحظة كأنى

من غيرك عمرى ماكون

رسى القلب اللى هواك

ريحنى من الأفكار

حتاخدنى الجنة معاك

والا حترمينى النار

صدقنى الجنة ف قربك

ياحبيبى بجد بحبك

من غير حتى ما أحلفلك

إعرف إن انت الكون

يابو قلب رقيق وحنون

فات النهار الصبى ولا سابش ذرة وهج

حتى القمر انكسر واهو ساب سمانا وهج

يا دنيا يا مروّحة واحنا اللى عاشقينك

يا ريتنا زى القمر نمشى على ده النهج

رباعيات

يا داعى الدعوة ما تجوزشى على الحريمات

عشان قلبك حيستغفر تلت مرات

ف يوم ما تحس دى امك ودى اختك ودى بنتك

تقول العيب يا رجالة ............ من الشنبات

**************

مستنيين ردكوا لجل العلام ما يكون

يا اساتذة من فضلكوا احنا اتملينا ظنون

وفهمونا ازاى ...... نكتب رباعية

تكون كلام يتقرى فى المعنى والمضمون

*****************

قلبى اللى انت قطعته بايدك

بعد ما كان بيغزى وريدك

كنت تسيبله يا دوبك حته

علشان يقدر يوم يدعيلك

وسام

مش عيد لميلاد

ده ميلاد للعيد

نورت يا واد

كل المواليد

حتى الايام

الضلمه قوام

حلفت ما تنام

لبستله جديد

ده وسام للعيد

في الدنيا دى عيد

نورت يا واد

كل المواليد

كنا زمان

كنا صحاب اربعة

واحد خسيس

واحد لئيم

واحد جبان

والرابع انا

مانيش ملاك

انما

انا انسان

***********************

الدار ده كان بيحب لمتنا

والجدة ويا الام لمتنا

راحوا اللى كان بالحب ساكنينه

واحنا فضلنا فيه ولم متنا

رباعيات (( الحب وعمايله ))

دق الهوى باب النهار اختل

مابقاش يفرّق بين الشموس والضل

ماشى كما المسطول بيتطوّح

باس النجيل لخضر وداس عالفل

************

قلبى يا نص رغيف لكن مشبّعنى

ليه جى عز الصيف ياقلبى تخدعنى

تبعتلى نسمة هوا افتحلها الشباك

الاقيك كما البركان بالحب ولعنى

سامية

وسط موج البحر وحدى

والسفن غرقانة جنبى

والصراع موت او حياه

واما قلت وداع يا دنيا

جيتى انت يا احلى سامية

بين ايديكى طوق نجاه

كنتى بنتى... كنتى اختى

وقت جرحى كنتى امى

اللى شايلة كل همى

قبل ما انطق اى اه

دانا دانا دانا

دانا دانا دانا

والايام واخدانا

نهرب ونروح فين

والاشواق دى معانا

دانا يا نور العين

قلبك لسه خضار

فيه اشواق وحنين

بكر كأنه نهار

بنتى يا روح الروح

بيكى بعيش وبدوب

واتحمل فى جروح

وارضى ابات مغلوب

بس عشانك انت

بتحمل واتحمل

وارضى الجرح يابنتى

واشيلك واكمل

واما ياخدنى الهم

ودموعى بتستعفى

بدعى بقلب الام

لو اشوفك فى الزفة

تملا الفرحة زمانى

واخدك بين احضانى

وافضل اقول من تانى

اجمل حاجة معانا

دانا دانا دانا

إنزف دمي

بتقول صاحبى!

وانت ف كل مناسبة بشوفك

ماسك خنجر وبتطعنى

بتقول صاحبى

وانت الجرح الساكن قلبى

لا يا صاحبى

عمر الحب ماكان اشواك

ولا كان طعنة ف قلبى وجنبى

لا يا صاحبى

كنت بفكر انك منى

كنت ف قلب عينية الننى

فجاه اشوفك قدام منى

ضحكة بريئة

واما اتلفت

القى الضحكة دى طعنة جريئة

ابكى عليك

والا على الايام الفايتة

على اخلاصى ف كل دقيقة

كنت بحسك فعلا منى

كنت ف قلبى ابويا وابنى

واما لقيت مع غيرى طريقك

روحت بغدر وقسوة بايعنى

لا يا صاحبى

كل اللى انت عملته معايا

بكرة عليك الدور صدقنى

مش راح اسيبك تنزف دمى

واما الجرح يدق ببانك

ايدى حتسبق تمسح جرحك

حتى ان خدت الجرح ف قلبى

اصحى يا صاحبى

اصحى يا صاحبى

اصحى يا

صاحبى

كل الورود إتيّتمت

ضحكة عيونى الطيبة

راحت بعيد

كان الزمن قاسى وعنيد

لما قطف من سكتى

كل الورود

خلانى تايهة فى الوجود

أصرخ أنين

أسكت أنين

فى عيونى سكنت دمعتين

فما تنتظرش الضحكة

فى عيون دبلانين

وما تنتظرش الجنة

ترجع من جديد

كل الورود إتيّتمت

والشمس بتحدّف جليد

أنا بنصحك

دوّر على الأفراح بعيد

طول إنتظارك يا ولد

مش راح يفيد

مش راح يفيد

*** قلبى حبك موت ***

*** قلبى حبك موت ***
.........................
هى صورتك... أيوه صورتك

اللى بتنوّر زمانى

لما أول مرة شوفتك

قلت حُبك شكل تانى

بس بُعد السكة بينّا

يا حبيبى غصب عنّا

خلت الأشواق تاخدنا

إمتى فيك يصبح مكانى؟

قوللى أعمل إيه فى حُبك

خدنى قبل ما تيجى صورتك

والتقيت قلبى اللى راحلك

قاللى حبك شكل تانى

شكل تانى .. لأ ما اظنش

شكل واحد للغرام

واللى فات.. أبدا ما كنتش

فاهمة إيه هو الغرام

كان يا دوب حبة كلام

زى لعب عيال تمام

البداية كلمة حلوة

والنهاية بالخصام

أما حُبك شئ جديد

خلى كل الدنيا عيد

لو خاصمنى ثانية يبقى

إنتهائى شئ أكيد

والحنين .. أه م الحنين

إوعى تبعد ثانيتين

قلبى حبك موت وقوللى

قبلى مات مين مرتين؟
....................

الحلقة الاولى

لما كان قاعد لواحده

الاله ما سابوش وساعده

جابله اجمل حاجة عنده

حاجه منه

هى بنته وهى أمه

وهى كل الدنيا عنده

غلطة واحدة وكات كفاية

تنقلب كل الحكايةت

بقى خيط أول بداية

لجل نملا الدنيا بعده

يبقى مين؟

بحر الحياة بيضخ دموع
بس العيون ما باقتش تحس
مش ضعف لا.... كل الموضوع
جانا النهار.... وما جابش الشمس

كفيف الروح

يا أدم مهما تستعفى

وتمشى بعيد وتتخفى

أكيد البرد حيجيبك

لحد عيونى تتدفى

ولما الدنيا بتعاندك

وبحر الحزن بيشدك

تلاقينى أنا أمك

وحضنى البر والضفة

ف قلبى زهر أيامك

وكفى بساط لأحلامك

ولو حتعيش ف أوهامك

ومن غيرى حتستكفى

بحور الحزن حتشدك

لألف طريق وحتهدك

تصارع موجها ولواحدك

بلا مركب.. ولا دفة

تروح ف الدنيا مهما تروح

حتفضل زى طير مجروح

تعيش واحدك كفيف الروح

بدون عكاز .. وعين شايفة

ماتصدقش

ما تصــدقش كلامــهم عنى ** مهما يقولوا حتفضل مني
حفضل طول العمر حبيبتك **وانت ف قلب عينية الننى
ماتصدقش
قبـلك جولى كتيـر يقولــولى **بالروايــات يحــكوها عــليــك
انك قــاسى وقلبك قــاسى** وان الغـــدر ده طبــع مــاليـــك
واما قفلت الباب لكلامهم ** وامــا رفــضت كــمان أسمــعهم
كل الحــقد إتمــلّك منهم ** راحــو عليــك علشـان تخاصمنى
ماتصدقش
رُد الـباب علـى أى كـلام **ولا تسـمعش لواحد منهم
بـكرة الحـقد مع الأيـام** يصـبح نار فـيهـم تحـرقــهم
واحنا نعيش كما عصفورتين** بجناح الأشواق طايرين
كــل العالم . يطــلع مين **قــلبك بـس اللـى يقــدرنى
ماتصدقش

الفستان لبساه علشانك

والماكياج حطاه علشانك

بس الحظ الاأسود خلّى

بره البيت دايما يحلالك

تعمل الفين حجة وتخرج

أخر الليل ترجع تتطّوح

واما اندب على حظى وانوّح

ولا عمرك يتغيّر حالك

طيب شوف طلباتنا الأول

ياخى مليون خيبة على جنابك

لولا عيالى ل الم عزالى

واجرى اتدارى ف وسط خواتى

وانت يا جملى يا ضبعى يا سبعى

خليك فى الأحوال دى ليلاتى

ضبعى وسبعى.!.. ألفين خيبة

هو السبع طعامه نباتى؟!

لأ وتلومنى لما اتساير

ساعة وافضفض مع صاحباتى

وانت مقضّى اليوم فى القهوة

مرة نجاتى ومرة بخاتى

يتعب ابنك ولا بتفكّر

تتعب بنتك ولا بتقدّر

لأ وتخلّى الجو معكّر

لما تبدّر ساعة وترجع

تخبط ترزع

على أتفه أسباب وتولّع

ف الشقة حريقة مع ولادى

أعمل إيه حظى ومكتوبلى

كل الناس تعرف مأساتى

لا ياحبيبي

دايما كده طبعك مش عادى
وانا شقيانة ف شغل البيت
أغسل واطبخ واكوى وادادى
وعيالك دايما عفاريت
أنا مهدودة ف ليل ونهار
تبقى ف تلج وقلبى ف نار
واما أغير تعملى محاكمة
وتحسسنى بانى الظالمة
تعمل حجة وتنزل تجرى
وانا أنكت من حيرتى وأهرى

تيجى ف وش الفجر كأنك
جى لوكاندة نوم ولا همك
جى تتطوّح داير لافف
وبتتلفت ماشى وخايف
هو القلم الجاف راح يطبع
ع المنديل يا حبيبى شفايف
بص حقولك.. ادينى ودنك
قبل ما اقول للخلق عمايلك
روح كمّل سهرك عند امك
روح كمّل سهرك عند امك

ما بتسواش

فاكر نفسك حاجة كبيرة **انت ف قلبى مابتسواش
قلبى اللى انت مليته بحيرة **شاف من بعدك نفسه وعاش
كنت تبيع الحب ف ثانية **كان القلب جريح وضحية
كنت ف قصر هواك الجارية **اى مكان لهواك ما بقاش
انت ف قلبى ما بتسواش
حب جديد خبّط على بابى **رجعلى الاحلام الضايعة
شال من جوه القلب عذابى **حط الضحكة مكان الدمعة
وانت بقيت قصرك مهجور ** لما خنقت شعاع النور
بكرة حييجى عليك الدور **تتمنى النور وما تلقاش
انت ف قلبى ما بتسواش
قلبى خلاص بقى ملك لغيرك **شايله ف نن عينيه من جوه
سيبنى ف حالى وراعى ضميرك **انا فعلا حبيته بقوة
جابلى الجنة ف ايده وجانى **نسّانى الماضى ونسّانى
غدرك جرحك كل زمانى **من غيره الدنيا ما تحلاش
وانت ف قلبى ما بتسواش

نسّاية

نـسّـاية..... لأمـش نـسّـاية دى حكايتك هى اللى حكاية
اديـتـلك قـلـبى وكـان بـنّـور وبنيتلك بين شرايينى قصور
عـديت بالحلم جبال وبحـور وغـرامك بـس اللـى معـايا
دى حكايتك والله حكاية
أتأخـر ثانية ما تعـزرنـيـش تعاقبنى واقولك من حقك
على بابك قلبى وقف درويش يتعبد ف هواك ويعاهدك
ليكونـلك مهـما الدنـيا تـكـون يـرسـملك بره العالم كون
وابقالك قـلب وروح وعـيون وف ليلك نجمة وقمراية
دى حكايتك والله حكاية
غـلطاتك كـترت وسـامحتك واتحمل قـلبى كـتير ويّاك
بــس الـمـرة دى أنا بـقـولك علّمت القلب إزاى ينساك
مـن بعـد ما شـوفـتـك ويـاها وعـينـيك باللهـفـة بتلقاها
وإيـديـك بالشـوق تـتـرجاها ولا هـمك قـلبى ولا هوايا
دى حكايتك والله حكاية

خربشات

شايفاك حزين بالقوى

مالك هزيل يا قلب

فعلا اكيد مبتلى

دون الجميع بالحب

*************

الضم مش طبطبة

ولا كلمتين وخلاص

يا قلب ما تفوق بقى

الحب ماله اساس

*************

أفتديكِ // رد على د. جمال مرسي

يا رضا والقلب ف عيونك يغنى

انت موال الهوى وانت التمنى

مهما كل الدنيا حتعاند معانا

اعرفى يا حبيبتى انك حتة منى

*************

وان قلبى دقه عايش بس بيكى

والحياة ما تكونش لو غابت عينيكى

يا رضا دالعمر كله ليكى واحدك

لا .... ابيع العمر كله واشتريكى

بتعيشى الكدبة وتتمادى

والتلج ف قلبك شئ عادى

وبتشكى لكل الناس ظلمك

وازاى ان انا فعلا خنتك

مش ممكن حتحمل كدبك

يا حبيبتى خلاص كله الا دى

انا حبعد وحسيبك يمكن

القلب اللى ف ظلمه اتمكن

والعاشق يبكى ويتمسكن

يتندم ويجينى ينادى

ده التلج ف قلبك شئ عادى

زغروتة

مليون زغروتة لعروستنا/ ست الحلوين
محروسة ودايما محروسة /من شر العين
العالم يحلف بجمالها/طفّوا الانوار وكفاية نورها
مبروك يا عريس وهنيالك/ مين قدك مين

******
ف عينيها النور زى النجمة/ وكلامها يا دوبك بالمللى
اسم الله يا ناس والنبى طعمة/ والعين بتسمّى وبتصلّى
الاصل الطيب والنية/الصافية تجيب احلى حورية
دا ( وسامنا ) ما حبش غير هىّ/من بين ملايين

********
احكوا الحواديت لما التوتة/ وارقعوا يا حبايب زغروتة
( احلامنا) الليلة قمر طالع/بنبونى وكعكة وبسكوتة
الاب الطيب بيبوسها/ وينوّر للكون فوانيسه
ا
والام بترقى وتحرسها/من شر العين
مليون زغروتة لعروستنا
ست الحلوين

ايه غيرك

لا إسألى......

حتلاقى قلبى المبتلى

فارد جراحه ع السكك

لما اكتشف انك طريق

كل اللى فات منه هلك

وتقولى منى احررك؟!!

شوفتك وايدك بين ايديه

والعين بتتشوّق عليه

واما انكسر الحلم فيه

راجعالى وبنفس الشرك!

وتقولى منى احررك!!

قاصدك تقولى استعمرك

وأدمّرك

قلبى اللى كان ف البيد جمل

من كدبتك .. نخ وبرك

العودة صبحت مستحيل

وان قلبى يوم فكر يميل

راح ادوس عليه وسط السكك

وساعتها لما حتشوفيه

وتكونى فاهمة ازاى وليه

عمرك ف يوم ما حتساليه

ايه غيّرك؟!!!!!!! ايه غيّرك

زاي قدرتي

ازاى قدرتى ..

تقولى خاين

وانا قلبى ليكى..

مفروش جناين

دانتِ النسايم وانتِ الشوارع

وانتِ الحوارى وانتِ المداين

حبيبتى ياللى

عنوانى قلبك

فاكرانى اقدراعيش ف بُعدك

بعدت لحظة

كان غصب عنى

ورجعت ليكى بالشوق بغنّى

الاقيكى بانية

جدار ما بينا

وانا جاى فارد

الروح سفاين

ازاى قدرتى..

تقولى خاين

لو كنت خونتك ؟

يبقى معاكى

وان كنت سيبتك

روحت لهواكى

منا قلبى شايفك

اجمل حورية

كل العزارى

انتِ ف عينية

ولا رمش عينك

يهون عليّا

وبقيت فى لحظة عليكى هاين

ازاى تقولى عليّا خاين

يا حبيبتى روحى

الله يسامحك

والمولى قادر

يداويلى جرحك

واما تحسى

ظلمك يا روحى

نادى عليّا

داوى ف جروحى

وبكلمة منك

حتردى روحى

وقمرنا يطلع

ف السكة باين

يا حبيبتى عمرى

ماكنت خاين

إزاى قلبك...
يتحمل يوم فيه ما يشوفنيش
إزاى بيدق؟!
إزاى بيقضّى الليل ويعيش؟!!
وانا قلبى الهايم ف رحابك
والقاعد حارس على بابك
يحلف بشبابه وبشبابك
على باب الهوى واقف درويش
إزاى بتقضّى الليل وتعيش!!!!
النسمة على العشاق ضلة
وعليّا تكون بالنار هلة
دغرام ياحبيب الروح والا
حبك بقى غير احزانه مافيش
ما تسيبش القلب يتوه واحده
والروح بتفارقه وبتعانده
لما الأحزان تيجى لحده
ترميه ف بحور ويروح مايجيش
إزاى بتقضّى الليل وتعيش
من ليلة امبارح دمعى بحور
والكون بقى جوه العين مهجور
وف عز الشمس ماشوفش النور
غير شمس عينيك يا حبيبى ماليش
مش حفضل كده صابرة تملى
اجريلك وقت ما تندهلى
راح ابيع اوهام قلبى ما اخلى
ياللى انت بتاخد ما بتديش
إزاى بتقضّى الليل وتعيش؟!!
قلبى المكسور دعمللك ايه
والا انت اللى بتتجنّى عليه
لو كان الحب دا شئ بايديه
كان يقفل بابه ما يتعبنيش
انا بدعى عليك تعشقنى بجد
وتجرب نار الشوق والسهد
وساعتها حتيجى تمد اليد
تتمنى وصالى وما تسيبنيش

ايه اللى مغيّر احوالك
بتزوّد ف الهوى ترحالك
هو احنا عشان دايبين ف هواك
بتسيبنا وتعمل ما بدالك
ايه اللى مغيّر احوالك
احلف بالله عاشقاك بصحيح
وبغير والشوق تباريح تباريح
ما بلاش ترمينا ف وسط الريح
وتعيش والشوق مش على بالك
ايه اللى مغيّر احوالك
من نظرة عين قلبى يدوب دوب
والعشق خلاص بقى شئ مكتوب
يا سايبنى ف ارض الشوق مغلوب
والقلب كمان سابنى وجالك
ايه اللى مغيّر احوالك
الروح بتلف عليك وتدور
بكاسات فضة وكاسات بنور
وتهد جبال وتعدى بحور
ومناها تكون بس حلالك
ايه اللى مغيّر احوالك
الروح بتغير مالنسمة عليك
وتغير مالننى ف قلب عنيك
اعقل يا حبيبى الله يهديك
ده القلب معاك وهنيّالك
وبلاش تتغيّر احوالك

ارجع تاني

عمر القسوة ما كانت طبعك
اتعلمت القسوة منين
يبقى القلب ملاك بيحايلك
وانت بتبعد بالشهرين
طيب فكر ف اللى نهارها
هو نهارك
واللى تسيب الدنيا وتمشى
معاك مشوارك
واللى حياتها وكل أمالها
تشاركك دارك
ما تفكرش اللقمة الحاف
حتاكلها منين
اتعلمت القسوة منين
فكر وارجع
والا اقولك
ارجع من غير التفكير
حس الروح التايهة ف بعدك
زى الموجة ف بحر كبير
قلبى خلاص اتجن بيسال
راجع تانى ؟
والا حبيب القلب اتغيّر
قلبه كمان حب التغيير
كنت زمان على باب الحارة
واقف طول الليل سهران
كنت تنادى النجم العالى
ف اى مكان
تساله عنى وقلبك تايه
زى غريب مالهوش عنوان
واما اغيب عن عينك ثانية
كنت تحس الثانية سنين
اتعلمت القسوة منين
قادرة اخلص تارى واخاصمك
ابعد عنك
قادرةاسيبك حاير تايه
قادرة أجنك
بس القلب الاخضر حالف
يفضل عاشقك
مانت القلب النابض فيّا
وانت النور والهوى والمية
وانت العين
ارجع زى ما كنت حبيبى
ارجع يا أمير العاشقين
سيب البعد لواحد تانى
سيب القسوة لناس تانيين
اتعلمت القسوة منين

بلاش تنطيط

مغــــرور عـــلى ايــــــــه ** يابـــو قلــب مالوش ف المـــلاغيــة

اكــــمـــن عيونك عسلــية ** منـــا برضه عيــونى عسليـــــــــــــة

راح تعمل فيها تقيل ف هواك ** راح اجــنك منا اصلى حورية

يابو قلب مالوش ف الملاغية

****

اتــهد ياواد وبلاش تنــطيط ** بطّــل خيـــالات تــاخدك لبـــعيد

انا جــوه عيونى البحر عنيد ** والبــــر عليـــه ميـــت جــنيــة

راح تعمل (كذانوفا) حقولك ** حواديــت حتـــهدك وتــجنــك

تتـلفت وتـخاف من ضــلك ** وحتــمــشى وحــتحلف بــعنية

يابو قلب مالوش ف الملاغية

انا قــبلك الف حــبيب جـــــــالى ** يــتقرّب يــحـــلف بـــجمـالي

ولا واحـــد منــهم على بــــــــالي ** ولا اى كـــلام اثــر فــــــــــيّا

ف عيونى كتير عشاق مساكين ** عايشين بهوايا ومش عايشين

حتـــــعاند حـــــتكون م التــــايهين ** تـــستــــعطف نــــظره حنية

يابو قلب مالوش ف الملاغية

كداب

كـداب واكــيـد مـش حـرجـعـــلـك **ولا قـلـبـى حـيـرجع يـسـمـعـلك
مـن بـعـد مـا خـدت الـروح ويـاك **ورميتها ف قـلب طريق اشواك
مـن جـرح لجـرح ف أرض هلاك **لا كـلام ولا دمـع حـيـشــفـعلك
كداب واكيد مش حرجعلك

***
لو حـتـى تـجـيـبـلى الـشـمـس بايـد **أو تـبـنى ف قـلـبـك قـصر جديد
يابو قلب مالوش فى الهوى مواعيد** مـين بعـد جراحـك يـسـمـحـلك؟
تـلـعـب بـالـهــوى وتـقـول عـاشـق **وتـســيـب الـقــلـب بـيـتـخـانـق
مـع عــقـلـى ويـحلـف لـيـفـارق **ويـنام ويـقـوم شـايل صـورتـك
كداب وأكيد مش حرجعلك

***
راح ادوس على قــبى وحـتـحـمّـل **من غـيـرك ف الدنــيا حـكـمّـل
ولا عـمـرى حـكـون زى الأول ** من كـلـمـة أجـيـلك واخـضعـلك
قـلـب الـياسـمـيـن من غـدرك راح **وطـريـقـه صبح أشـواك وجراح
وخلاص ما بـقـاش ف الـقـلب سماح **روح كــمّـل واحـدك احـســنـلـك
كداب وأكيد مش حرجعلك

***

لسانى بحلم باشتياق

جايز ف يوم

يلمنا

يضمنا

والموجة تيجى لحدنا

تلعب معانا وتختفى

وتعود وشايلة حلمنا

ع الرملة نبنى عشنا

ونعيش كما الطير الجميل

عصافير كنارى بحبنا

ما نخافش لحظة من الصقور

ولا فيش غراب

يقدر يقرّب مننا

لغة العيون

حب وجنون

والورد يملا قلبنا

وان لحظة ضاعت مننا

اصبح ف عينه شهر زاد

ويكون ف عينى السندباد

راكب سفينة عشقنا

يتحدى موج البحر

ف اليوم العصيف

ويعود بلحظة عمرنا

يا سندباد انت الغرام

وشهر زاد

تبقى انا

22

(22 ))

اما رحله عنجد كنا محتاجين الها الواحد غير جو وراجع نشيط ونفسه مفتوحه للحياة الله

يديمك فوق راسنا ابن عمي ولا يحرمنا طلتك وتضلك سعيد ومتهني عطول

تسلميلي انا رايح الديوان شوي بدك اشي اجيبه معي

لا سلامتك بس عارف اليوم لازم نروح لعند دار عمي والله اشتقت الهم جيب معك اشي زاكي وانت جاي

ماشي ولا يهمك بتؤمري امر ياقمر عراسي تمشي كسدرة (( تتمشي ))

اي عيني عليك باردة صلاة النبي لسانك صاير ينقط سكر

اي انا مين الي غيرك يام علي والله انتي تاج راسي

يسعدو الهي ويارب دايما مروق ومبسوط

يالله خليني اروح الله معك وماتنسى من عيوني ـ

ــــــــــــــــ

بدي اقعد شوي اتفرج عالمنتدى وبعدين اشوف لي شغله

اهلا وسهلا بعودتك يا قمر

شو هذا اي والله هدول مالهم شغله ولا عمله الا انهم يتغزلوا ببعضيا عيب الشوم عليهم (( اللي استحوا ماتوا ))

والله تعالي نشوف شو في اكل احسن نتعلم بلا حكي فاضي مالو طعمة

اقله بندلل ابو علي

الزلمه اله كم يوم لسانه حلو

خليه يفرح اله شوي هو التاني حقه ناقص

يعني

ومنها باخد معي لمرة عمي وهيه بتحب اكلي

يالله ينعمله شويه معجنات

خليني اقوم

ــــــــــــ

علي روح جيب لي كيسين طحين

يما بدي اعمل شوية اقراص نوخدهم معنا واحنا رايحين لدار سيدك

طيب يما ماشي بدك اشي تاني

ماتنسى تجيب جبنة بيضاء يا حبيبي معك حاضر تؤمريـ

ـــــــ

ــسعدية اه يما

تعي ساعديني شوي يما نرتب شوي على مايجي علي ونعجن

طيب حبيبتي هيني جايـ

ـــــــــ

يا سلام عليكي يام علي شو نفسك طيب عالاكل اي والله تسلم ايديكي

والله الف صحه وهنا ابن عمي (( مطرح مايسري يمري ))

21

ام علي

اه ابو علي هيني هون

شو رايك تحضري اغراض الرحلة نروح النا يومين للبحر الواحد جاي عبالو يغير جو ليش لا الله يديمك فوق روسنا وتفرح قلبنا دايما

طيب خدي

شو اخد مبارح كنت بالسوق وفتت محل عطور عجبتني هالقنية شريتها الك

لك تسلم الي والله طول عمرك مزوق

يالله نادي عالولاد خليهن يحضرو الاغراض وبكره من بدري ان شاء الله بنطلع وشوفي شو بدكم اغراض لاجيب معي

ماشي يابو علي متل مابدك

حبيبي

سعدية يما تعي شوفي شو بدنا اغراض اكتبيهم لابوكي بدنا نروح البحر يومين حبيبتي ماشي يما هلا باجي

علي يا علي

وينك

يماهيني يما عالجهاز

شو بتعمل وهلا وقته

تعال روح مع ابوك جيب النا الاغراض

يما مش فاضي عندي شوية شغلات لازم اعملها ومش عارف مين لاعب بالجهاز ومضيع الي شغلات كتير كنت حافظها

شغلات مثل شو يابا

مابعرف كنت مخزن محادثة بيني وبين صاحبي اللي بيحكي معي كنت بدي اياها مش لاقيها

اها يمكن انت بس مش عارف وين نزلتهامابعرف شكله حد لاعب هلابشوف

طيب قوم قوم خلصني عاد هلا مش وقته

بس نرجع بتكمل يابا

يابا بلا لت خلصني مش ناقصك

ـــــــــ

ها كل اشي جاهز

جاهز ابن عمي توكل على الله

انا قلت لخيي ابو سليم ولاحقنا ان شاء الله

اها منيح بنتسلى سوى لوين بدك تروح؟

بدي اروح للبحر الميت جاي عبالي اطيش بالمي المالحه

اه بس شوب كثير هناك بننحرق

ياستي تعبان بدي احط عحالي طين وبنسبح مابتشوبي

مايهمك

طيب مثل مابدك

ــــــ

وينك يا علي

هيني يابا بضبظ الاب توب بدي اخده معي

ولشو يابا

عادي بزهق بلعب وجبت اله كرت انترنت

يا سلام هو احنا راحلين والا ورانا النت بكل مكان

يابا يا حبيبي عندي شغل مهم عليه مابقدر استغني عنه

لا اله الا الله خلصنا اركب

هيني جيت خليني اسوق انا يابا

لا حبيبي انا بسوق وانت بتاخد بس اتعب

طيب

خايفة

خايفه

من قربه مني

خايفه

من بُعده عني

معقوله يومين عرفني

الاقيه عاشق هوايا

خايفه أبدأ حكاية

واوصل خط النهاية

القى الايام تاخدني

والاقيني مش معايا

خايفه

ارجع وحيدة

ويّاجراحي الجديدة

والقى دموعي العنيدة

رافضاني من البداية

طب اعمل ايه يا قلبي

اعشق والا اخبي ..

وازاي حنداري حبي

واقول للشوق كفاية

حنروحله غصب عني

قلبي العاشق واخدني

وانا عاشقه رغم اني

خايفه ابدا حكاية

خايفه

كنت مستني الاشاره
ولا لزمالك اماره
لجل تعرف مين حبيبي
جوه مني ومش داري بي
واما اشتاقلك ساعات
احضن اللهفه بلهيبي
القى نار الذكريات
في الهوى قدري ونصيبي
تبقى جوه القلب ساكن
والنهارده جي لكن
لسه مستنى الاشارة
لجل تعرف مين حبيبي
مش حقولك
اصل ضلك
لو يعدي عليا اسكر
واما افوق م الشوق افكر
القى صورتك بتخايلني
تبقى جوه عينيه نني
تبقى كل الدنيا انت
تبقى صاحبي.. تبقى ابويا
تبقى ابني
واما امد الحضن واخدك
تبقى واد مجنون وجنى
فجاة نصبح حاجة تانية
حاجة اجمل م التمنى
النهاردة جى عايز
بس تعرف مين حبيبى
مش حقوللك

.. مش حقوللك

.. مش حقولك

يا حبيى

مين حبيبي

عشقت فيك
نظرة عينيك
ورقتك
وكتير بسامح قسوتك
او
نزوتك

لكن تغيب وتقول حبيب
وتجيني ضامن جاريتك
طب قوللى فين حنيتك ؟؟
ساعة ما كنا عصفورين
على جناح الزمان طايرين
بنظرة عين تجيلى

بشوق

تاخدني فوق جناح اخضر
وتطلع فوق
ونحلم في الفضا الواسع
بعش جميل يجمعنا
لا حزن يزور عنينا ف يوم
ولاآهه حتوجعنا
ولما زمانا جمعنا
تغيب عنى

وترجعلى
ولا همك عيوني السود
ولا حنية تشفعلى
جرالك ايه ؟
وقلبك بس عايز ايه؟
تكون فاكر غرامي كلام
يكون لعبة..يكون زينة
انا ما اقبلش اكون برواز

ولا مانيكان فى فاترينة

شئ منك

انا الماضى .. انا الحاضر

انا شمسك .... انا ضلك

حتبعد عني وتغامر

حتلقى الجرح مكتوبلك

وبرضو الجرح حيصيبني
منا من اول القصه
ياروح القلب شيء منك
بلاش ندى البعاد فرصه
يطارد حلمنا الفضه
حبيبي الحب نهر جميل
تعالى بشوقنا نتوضا
ونرسم في الهوى جزيرة
تكون اجمل مكان لينا
ونقطف من عيون الليل
نجوم نزرعها حولينا
ونحلم قد مانقدر
ونروي بحضننا الاحلام
نلاقي الحلم يتفسر
ويتصالح مع الايام
ونتحول كما الفراشات
مابين الزهرة والزهرة

اكونلك اجمل الحكايات
وانت تكون

....

نهار بكره

ياسمينا

انا جنية مش سمكة..

حترمى شباك

حتلقى الجرح ف الشبكة

بيستناك

ولو قلبك صيح ف مزاد

الا أونا

ما يسواشى

الا دوا

ما حرضاشى

الا تريا

انا ماشى

وقلبى وعقلى بيقولوا

انا رافضاك

حبيبى الحب مش كلمة

ولا لعبة

حبيبى الحب فزورة

لكن صعبة

عشان تنحل

حنزرع كل دنيانا

جناين فل

ونرسم نجمتين فى الكون

يكونوا اساس

ونفرش ارضنا الخضرا

وفا وإخلاص

ساعتها الحب يكفين

اونلقى الشط والمينا

تكون بستانى لحياتى

واكون ف الدنيا.. ياسمينا

اكون ف الدنيا ياسمينا