السوسنة

عشقت فيك
نظرة عينيك
ورقتك
وكتير بسامح قسوتك
او
نزوتك

لكن تغيب وتقول حبيب
وتجيني ضامن جاريتك
طب قوللى فين حنيتك ؟؟
ساعة ما كنا عصفورين
على جناح الزمان طايرين
بنظرة عين تجيلى

بشوق

تاخدني فوق جناح اخضر
وتطلع فوق
ونحلم في الفضا الواسع
بعش جميل يجمعنا
لا حزن يزور عنينا ف يوم
ولاآهه حتوجعنا
ولما زمانا جمعنا
تغيب عنى

وترجعلى
ولا همك عيوني السود
ولا حنية تشفعلى
جرالك ايه ؟
وقلبك بس عايز ايه؟
تكون فاكر غرامي كلام
يكون لعبة..يكون زينة
انا ما اقبلش اكون برواز

ولا مانيكان فى فاترينة