ام علي
اه ابو علي هيني هون
شو رايك تحضري اغراض الرحلة نروح النا يومين للبحر الواحد جاي عبالو يغير جو ليش لا الله يديمك فوق روسنا وتفرح قلبنا دايما
طيب خدي
شو اخد مبارح كنت بالسوق وفتت محل عطور عجبتني هالقنية شريتها الك
لك تسلم الي والله طول عمرك مزوق
يالله نادي عالولاد خليهن يحضرو الاغراض وبكره من بدري ان شاء الله بنطلع وشوفي شو بدكم اغراض لاجيب معي
ماشي يابو علي متل مابدك
حبيبي
سعدية يما تعي شوفي شو بدنا اغراض اكتبيهم لابوكي بدنا نروح البحر يومين حبيبتي ماشي يما هلا باجي
علي يا علي
وينك
يماهيني يما عالجهاز
شو بتعمل وهلا وقته
تعال روح مع ابوك جيب النا الاغراض
يما مش فاضي عندي شوية شغلات لازم اعملها ومش عارف مين لاعب بالجهاز ومضيع الي شغلات كتير كنت حافظها
شغلات مثل شو يابا
مابعرف كنت مخزن محادثة بيني وبين صاحبي اللي بيحكي معي كنت بدي اياها مش لاقيها
اها يمكن انت بس مش عارف وين نزلتهامابعرف شكله حد لاعب هلابشوف
طيب قوم قوم خلصني عاد هلا مش وقته
بس نرجع بتكمل يابا
يابا بلا لت خلصني مش ناقصك
ـــــــــ
ها كل اشي جاهز
جاهز ابن عمي توكل على الله
انا قلت لخيي ابو سليم ولاحقنا ان شاء الله
اها منيح بنتسلى سوى لوين بدك تروح؟
بدي اروح للبحر الميت جاي عبالي اطيش بالمي المالحه
اه بس شوب كثير هناك بننحرق
ياستي تعبان بدي احط عحالي طين وبنسبح مابتشوبي
مايهمك
طيب مثل مابدك
ــــــ
وينك يا علي
هيني يابا بضبظ الاب توب بدي اخده معي
ولشو يابا
عادي بزهق بلعب وجبت اله كرت انترنت
يا سلام هو احنا راحلين والا ورانا النت بكل مكان
يابا يا حبيبي عندي شغل مهم عليه مابقدر استغني عنه
لا اله الا الله خلصنا اركب
هيني جيت خليني اسوق انا يابا
لا حبيبي انا بسوق وانت بتاخد بس اتعب
طيب
Falling hearts Here
ليست هناك تعليقات:
إرسال تعليق