فعلا عاشقاك بجنون
يابو قلب رقيق وحنون
وان عدت نسمة قصادك
يبنيلك قلبى حصون
واسرح بخيالى وعينى
فى الحب اللى مدفينى
والغيرة ف ثانية تجينى
ترمينى ف بحر ظنون
قلبك على بري بجد
أو راح للبر التانى
وان صادف زاره المد
حيروح على اى موانى
وافضل محتارة وظنى
بيروح لبعيد وياخدنى
وأحس ف لحظة كأنى
من غيرك عمرى ماكون
رسى القلب اللى هواك
ريحنى من الأفكار
حتاخدنى الجنة معاك
والا حترمينى النار
صدقنى الجنة ف قربك
ياحبيبى بجد بحبك
من غير حتى ما أحلفلك
إعرف إن انت الكون
يابو قلب رقيق وحنون
Falling hearts Here
ليست هناك تعليقات:
إرسال تعليق