حبيبتى خلاص قصاد عينى
بقت فى الزفة قمراية
وكنتى من زمان عدى
ياهالة ف قلبى غنواية
وشمسك قبل ما تهلي
شعاعها بيحبى جوايا
كبرتى ياروحى دلوقتى
وشوفتك دنيتى انتى
تنادى يا ماما ياحبيبتى
خديلك صورة ويايا
دموع الفرحة تسبقنى
وافرد حضنى وأضمك
أشيل الطرحة بإيديّا
وأقطف وردة من خدك
وابص بعينى واتأمل
جمالك عمرى ما استكفى
حبيبتى خلاص بقت نجمة
وواقفة قصادى فى الزفة
ألاقى القلب بيزغرط
وترقص روحى ويايا
دى بنتى خلاص قصاد عينى
بقت فى الزفة قمراية
Falling hearts Here
هناك تعليق واحد:
يا فندم ألف مليون مبروك
لحضرتك وللقمراية العسلاية النجماية
هالة
عقبى لأحفادك
ترفعي طرحتهم برضه بايديك
عمر مديد سعيد
إرسال تعليق