صباح الخير سعديه
هلا يما صباحك هنا
كيف اصبحتي
الحمد لله تمام بس شوي صدري مطربق علي ومو قادره اتحرك
آآآآآآآه طبعا منتي مابتقصري ولا بترحمي حالك اول ماتقعدي ع النت هات يا دخان
اه والله معك حق ياسعديه الواحد مش عارف شو بيصير معه اول مايقعد عهالجهاز
كل حياته بتنقلب قلب
طيب روحي ارتاحي هلا بعمل الك كاسه بابونج بلكي بترتاحي الك شوي
طيب حبيبتي يسلمو ايديكي
وينك سعديه حبيبتي اعملي الغداء ابوكي عازم ابن عمه اليوم لعنا وانا زي منتي شايفه ماني قادره
ماشي يما ولايهمك راح اعمل كل اشي بس ارتاحي انتي
هيه يا علي
يا علي
علي
ياعلللللللللللي
آآآآآآآآآه شو بدك
حتى انت ياعلي غطست وبطل حد عارف يحكي معك
قوم روح جيب الي زهره (( قرنبيط )) وجزر ابوك عازم ناس ع الغداء اليوم وبدي اعمل مقلوبه
طيب استني بس اخلص القيم
اشو تخلص القيم يادوب الحق انا
ياستي قلنا طيب ثواني شو هو الضيف قاعد مستني عالباب
لا مو مستني بس خلصني بدي اخلص عندي شغل كتير وامك عيانه اليوم
اتفضلي يما هي كاسه البابونج
ابونج الف صحه وهنا على قلبك وانا رايحه اشوف المطبخ
وينو علي ؟؟
هيو بيلعب وبس يخلص بدو يروح يجيب الاغراض
طيب حبيبتي يسلمو ايديكي عزبتك معي انا
لأ ماتحكي هيك سلامتك يما
هيني خلصت ترتيب البيت وركبت الجاج (( الدجاج )) عالنار
على مايجي علي خليني اشوف اميلي واتفقده
ييييييي مين هون هنيه
هلا هنيه كيفك
الحمد لله انتي كيفك سعديه
انا الحمد لله
شو عملتي بالجامعه اليوم ؟؟
كان والله يوم طويل وشاق
ليش خير شو صار معك؟
ياستي هدول جننوني خلصنا هالجامعه وبدنا ورقه التخرج وروح لفلان وروح لعلان
ولا وشو النهفه الست اللي كانت مسؤله عن اوراق العمل التطوعي نقلت
وجابو غيرها مش عارف اشي وقال شو اوراقي ضايعه
ومطلوب مني اعيد العمل التطوعي 60 ساعه كمان مره الله
واكبر وشو عملتي ؟؟
ولا اشي هيني بطارد هون وهون والله ييسرها من عندو
ماشي حبيتي اجا علي وبدي اوقوم اكمل شغلي
اوكي سلمي عالكل
الله معك
Falling hearts Here
هناك تعليق واحد:
استمتعت جدا بقراءة هذه الحلقات .. ففيها سخرية رقيقة و خفة دم و بساطة فى العرض و قدرة لا بأس بها فى السيطرة على التسلسل الدرامي .. كما أنها تؤدي دورا مهما فى تسجيل لقطات من الحياة اليومية لجتمع لا نعرف عنه الكثير بما فيه من أمثال شعبية و حكم مأثورة و أكلات موروثة و تعبيرات محلية
حرصتى على تسجيلها بقدر من العفوية التى تصور لنا الحياة اليومية نابضة بالحياة
و أتوقع أنك لو ركزتى فى هذا النوع من الكتابة مع دراسة بسيطة لفنون الكتابة الدرامية ( السيناريو ) ستصلى بأمر الله إلى مرتبة مرموقة بين كتاب هذا الفن
مع مودتى و تقديرى
محمدعثمان جبريل
إرسال تعليق