السوسنة

ياروح قلبى..



مافيش أبدا غرام بيموت



يجوز جوانا متخبّى



يجوز هايم مع الملكوت



عشان يجبرنا نرجعله



نعيد حسابتنا م الأول



ويسألنا... يحاسبنا



وممكن برضه يضربنا



عشان سيبنا اللى كان بنّا



فى بحر غويط ودوامة



بلا مركب .. ولا مرسى



لكن أحلف ما يوم ح انسى



حنان قلبك وانا القاسى



يانور فجرى يا نبراسى



أدينى رجعت بدموعى



وبندم ع اللى راح مني



حبيبتى القلب مش خايف



عشان عارف



جناين قلبك الفيروز



هتغفر ذنبى وتسامح



ماهو القلب اللى عاش يدى



لا يمكن يوم يكون جارح



فجيت أتوضا بغرامك



وأعلن توبتى قدامك



واقولهالك وانا دامع



وانا راكع.وانا قاعد.وانا واقف



حبيبة قلبى يا شمسى



من الأخر..أنا أسف..