يوميات ام علي

هيه يام علي وينك ؟

هيني يابو علي هون على الاب توب بالمطبخ وبكمل طبيخ

هو انتي بتطبخي والا على النت ؟

الاتنين بعمل شغلي وبقرأ كل شوي

وشو اللي هالقد شادك ومش قادره تبعدي عنه ؟

مشاكل هالنت مابتخلص ياشيخ هالنت عالم بشيب شعر الراس

ومدام مشاكله بتشيب لشو حضرتك بتابعي وبتقري ؟

هينا بنشوف العالم وشو بيعملو ببعض

وشو في هالمره شاغلك يا ستي

هذا في ركن مشاكلك مع النت واي واحده عندها مشكله بتفوت وتحكي عنها وبتقول قصتها وطبعا بدون ذكر اسماء الي بتحب تحكي بتكتب حرف بتعبر بيه عن اللي بتقصده

حرف شو يختي

حرف من اسم يعني شو مالك كل كبيره وصغيره بتسال فيه

بطلت تعرف شي

لا يختي تركت الك المعرفه

وشو هالمشكله هالمره

مافي مشاكل عاديه غيره نسوان

آه من غيرة هالنسوان عميا يا حبيبتي عميا

اه والله الله يجيرنا منها

ومن شو بدهن بغارو يختي

شو بعرفني انا مالي هما بيغارو انا شو دخلني

مادخلك شي غير انك تفوتي وتشغلي بالك بهالحكي الفارط اللي مابيطعمي خبز

وهاي ضربت هاي وهاي شدت شعر هاي وهلما جر

وكان مافي ورانا لا شغله ولا عمله الا نشوف جنانهم

اي ياعمي وانا شو دخلني بهالحكي الفارط ولشو بوجع ر اسي وبسالك

يي علينا مالك طلع خلقك علي وهو انا اشو قلت عاد مو انت سالت وانا قلت

لشو عم بتصييح فيي

ياستي لا بصيح ولا هم يحزنون

خلصينا احكي وبطي هالدمل بركي ارتحتي وريحتينا

هو انا عاد بعد هالموشح متزكره شو كنت بدي اقول

ياشيخ روح الواحد حرام يحكي معك كلمه بتنسي الواحد حاله

اه انا طيب ماشي اريح ياريت تضلي ناسيه عطول

كثر خيرك والله ماقصرت

وخيرك يا ستي اروح اشوف شغله ابركلي

طيب روح الله معك

اه منتي ماصدقتي خليكي ترجعي تقري

يي علينا شو بدك لو تركنا وحكينا معك مابيعجبك ولو قلنا الله معك كمان مابيعجبك

احترنا يا قرعه من وين نمشطك

اوف اوف هذا انتي ماصدقتي وواقفتيلي عالنقره

لا نقره ولا شي بدك تروح روح مابدك شو اعملك اللي بيرحك اعمله

مهو المشكله ياستي بطل بيناتنا حكي الا عن النت ومشاكله ولا كانه في شي تاني اهم

لا ياسيدي مافي اهم من بيتنا وولادنا والله يخليك تاج فوق راسي ولا يحرمني طلتك علي ابدا

وين ولادك مو شايف حدا منهم

كل واحد منهم ياسيدي ملهي بحاله هو احنا صرنا نقعد مع بعض منيح اللي لسا بنجتمع على طاولة الاكل

اه والله معك حق شو رايك اليله نجيب تسالي ونجتمع سوى وببعت ورا ابوي وامي واخواتي يجو عنا كمان

اه ليش لا روح جيبلي شويه طحين وجبنه بيضا خليني اعمل شويه اقراص نتعشى بيهن

ماشي وانتي ماترجعي تنشغلي بهالنت خلصي شغلك عبكير والله جاي عبالي نتلم ونتهنى ببعض زي زمان

اه ساق الله زمان وايام زمان

ماشي حبيبتي مابطول

الله معك

ييه كلمتين عنو عبالي خليني اكتبهن قبل لانساهم

وين الدفتر والورقه هلا بكتبهن وبخلص شغلي وبكره بشوف مشكله هالاختين العزيزتين

شو وبشوف لوين وصلو بخناقهم