أكيد انت واهم..

أكيد انت واهم

ودوّر فى كل الكتب والمعاجم

تلاقى ان أرضك

فى بدء الخليقة

ما كانت حتفضل

ولا حتى تبدأ

بغيرك يا حوا

ف ايدك يا ادم

إيه فايدة الأحلام

مادمت فى مكانك

وعملت إيه علشان

توصل لأحلامك

العمر مش أحلام

إلحق وعيشه قوام

خد خطوتين قدام

توصل لعنوانك

انا مش خايفة عيونهم لكن..



خايفة عليك طول المشوار



خايفة ف نص السكة تحوّد



لما تحس ف جنتى نار



لما تشوفنى بحاول أبنى



فى طريقك كل الأسوار



لجل ما تلمح أبدا غيرى



وكأنك عايش فى حصار..



أصل انا قلبى عنيد فى غرامه



ولا يمكن يقبل أعذار



شوفت انا خايفة عليك من ايه؟



مش منهم.. خايفة لتحتار



أما انا قادرة أصد عيونهم



قادرة أعوم ضد التيار

ياروح قلبى..



مافيش أبدا غرام بيموت



يجوز جوانا متخبّى



يجوز هايم مع الملكوت



عشان يجبرنا نرجعله



نعيد حسابتنا م الأول



ويسألنا... يحاسبنا



وممكن برضه يضربنا



عشان سيبنا اللى كان بنّا



فى بحر غويط ودوامة



بلا مركب .. ولا مرسى



لكن أحلف ما يوم ح انسى



حنان قلبك وانا القاسى



يانور فجرى يا نبراسى



أدينى رجعت بدموعى



وبندم ع اللى راح مني



حبيبتى القلب مش خايف



عشان عارف



جناين قلبك الفيروز



هتغفر ذنبى وتسامح



ماهو القلب اللى عاش يدى



لا يمكن يوم يكون جارح



فجيت أتوضا بغرامك



وأعلن توبتى قدامك



واقولهالك وانا دامع



وانا راكع.وانا قاعد.وانا واقف



حبيبة قلبى يا شمسى



من الأخر..أنا أسف..

وليه الشط تاه منك





وهى الشط ف رحابها





دلو قلبك هرب منك





أكيد حيكون على بابها





يدق بنبضها ويعيش





يطبطب ع الغرام بشويش





تكون الملكة فوق عرشه





يكون جنب الببان درويش





ولو ف عيونها بحر غريق





ولو حتى ف طريقها حريق





طب اسأل قلبك العاشق





هواها بكل حلم برئ





أكيد حيقول كتير ويعيد





أنا دايب وحبى عنيد





واموت على بابها ميت مرة







مدام حبقى ف هواها شهيد





فسيب قلبك يعيش يومه





مدام عايش ف جنة اكيد

صادق حبيبى

طول عمرى بصدقك

لو حتى الكدب صادف

دا لانى بعشقك

وهواك هو اللى شايف

والحب عيونه دايما

بتشوف صدق الحبيب

لو قال الشمس شرقت

امبارح م المغيب

برضه يا حبيبى صادق

وهواك فى القلب راشق

واياك تصبح مفارق

وانت لقلبى الطبيب

دايما انده حبيبتى

بسمعها بشوق وادوب

مش فارقة يكون قالوها

فى زمانّا كتير قلوب

منك بتكون جديدة

وبطير واصبح سعيدة

ولا عمرى اكون وحيدة

لو حتى الكون يغيب

دالحب عيونه دايما

بتشوف صدق الحبيب

إكتب بدم الجرح

سطرين غزل مجنون

وابنى بكلامك صرح

واصنع ودان وعيون

تلقى اللى جاى مبتسم

شمس الغرام تترسم

والحب لو يتقسم

تاخد نصيب الكون

حجيلك حبيبتى فى نفس الميعاد

وادوّر عليكى فى كل الموانى

وقلبى اللى شايف عيونك بلاد

وشعرك قصايد وخدك أغانى

بيحلف يكونلك لأخر الطريق

وياخدك فى حضنه وقلبه البرئ

ماهو انتى الحبيبة وإنتى الصديق

وإنتى المكان والزمان والأمانى

غنّى يا بنت النيل

غنّى يا بنت النيل

مهما الودان تنسد

صوتك اكيد حيكون

زى الدانات والرعد

وان طال خريفنا يجيب

اجمل ربيع للورد

لو ضاع زمان الصبا

والحضن والطبطبة

صوتك يكون مركبة

وقت الطوفان والمد

ما تسلّميش للألم

وما تصرخيش بالأه

دوسى الألم بالقلم

بالشعر تبنى حياه

يا خضرة ليه تغضبى

فوق الهموم إركبى

يرجع نهارك صبى

مشدود لحضنك شد

غنّى يا بنت النيل

مهما الودان تنسد

بياع قلوب

قلبك دا سوق واهو ضاق عليك

وانا قلبى مش بياع قلوب

شمسى اللى كانت بين ايديك

طوّحتها ف أول غروب

ولا همكش أوجاعها

ومين يقدر يرجعها

رخيصة عليك وبتبيعها

فى قلب مزاد

ألا أونا

يا أرض ما هيش بتطرح

غيرحصا وأشواك

ألا دوّا

يا عاشق معنى كلمة زيف

هنا وهناك

ألا تريّا

خلاص من قلبى بعلنها

أنا رافضاك

انا رافضاك.....

يوميات ام علي

هيه يام علي وينك ؟

هيني يابو علي هون على الاب توب بالمطبخ وبكمل طبيخ

هو انتي بتطبخي والا على النت ؟

الاتنين بعمل شغلي وبقرأ كل شوي

وشو اللي هالقد شادك ومش قادره تبعدي عنه ؟

مشاكل هالنت مابتخلص ياشيخ هالنت عالم بشيب شعر الراس

ومدام مشاكله بتشيب لشو حضرتك بتابعي وبتقري ؟

هينا بنشوف العالم وشو بيعملو ببعض

وشو في هالمره شاغلك يا ستي

هذا في ركن مشاكلك مع النت واي واحده عندها مشكله بتفوت وتحكي عنها وبتقول قصتها وطبعا بدون ذكر اسماء الي بتحب تحكي بتكتب حرف بتعبر بيه عن اللي بتقصده

حرف شو يختي

حرف من اسم يعني شو مالك كل كبيره وصغيره بتسال فيه

بطلت تعرف شي

لا يختي تركت الك المعرفه

وشو هالمشكله هالمره

مافي مشاكل عاديه غيره نسوان

آه من غيرة هالنسوان عميا يا حبيبتي عميا

اه والله الله يجيرنا منها

ومن شو بدهن بغارو يختي

شو بعرفني انا مالي هما بيغارو انا شو دخلني

مادخلك شي غير انك تفوتي وتشغلي بالك بهالحكي الفارط اللي مابيطعمي خبز

وهاي ضربت هاي وهاي شدت شعر هاي وهلما جر

وكان مافي ورانا لا شغله ولا عمله الا نشوف جنانهم

اي ياعمي وانا شو دخلني بهالحكي الفارط ولشو بوجع ر اسي وبسالك

يي علينا مالك طلع خلقك علي وهو انا اشو قلت عاد مو انت سالت وانا قلت

لشو عم بتصييح فيي

ياستي لا بصيح ولا هم يحزنون

خلصينا احكي وبطي هالدمل بركي ارتحتي وريحتينا

هو انا عاد بعد هالموشح متزكره شو كنت بدي اقول

ياشيخ روح الواحد حرام يحكي معك كلمه بتنسي الواحد حاله

اه انا طيب ماشي اريح ياريت تضلي ناسيه عطول

كثر خيرك والله ماقصرت

وخيرك يا ستي اروح اشوف شغله ابركلي

طيب روح الله معك

اه منتي ماصدقتي خليكي ترجعي تقري

يي علينا شو بدك لو تركنا وحكينا معك مابيعجبك ولو قلنا الله معك كمان مابيعجبك

احترنا يا قرعه من وين نمشطك

اوف اوف هذا انتي ماصدقتي وواقفتيلي عالنقره

لا نقره ولا شي بدك تروح روح مابدك شو اعملك اللي بيرحك اعمله

مهو المشكله ياستي بطل بيناتنا حكي الا عن النت ومشاكله ولا كانه في شي تاني اهم

لا ياسيدي مافي اهم من بيتنا وولادنا والله يخليك تاج فوق راسي ولا يحرمني طلتك علي ابدا

وين ولادك مو شايف حدا منهم

كل واحد منهم ياسيدي ملهي بحاله هو احنا صرنا نقعد مع بعض منيح اللي لسا بنجتمع على طاولة الاكل

اه والله معك حق شو رايك اليله نجيب تسالي ونجتمع سوى وببعت ورا ابوي وامي واخواتي يجو عنا كمان

اه ليش لا روح جيبلي شويه طحين وجبنه بيضا خليني اعمل شويه اقراص نتعشى بيهن

ماشي وانتي ماترجعي تنشغلي بهالنت خلصي شغلك عبكير والله جاي عبالي نتلم ونتهنى ببعض زي زمان

اه ساق الله زمان وايام زمان

ماشي حبيبتي مابطول

الله معك

ييه كلمتين عنو عبالي خليني اكتبهن قبل لانساهم

وين الدفتر والورقه هلا بكتبهن وبخلص شغلي وبكره بشوف مشكله هالاختين العزيزتين

شو وبشوف لوين وصلو بخناقهم

ترانيم لفجر

فين الوفاء

كان املى فيكم غير كده

بس الوفاء راح وانعدم

حتى الأمال

كان صرح بالحقد انهدم

وحتفضلوا

حبة افاعى ملونين

وعيونكوا معمية بضباب

لكنى شمس وكل يوم

حطلع على قلوبكوا الخراب

وان جت سحابة صيف حعود

ولاعمرى اسلّم للغياب

وان كان سماكوا غباروغيم

فى ناس عيونهم ما اتعمتش

وقلوبها ما بتعرفش غدر

شايفانى فى الليل الطويل

ترانيم لفجر

لأ كفاية

وانهى كل كلام يكون

أصل مش كل الحكاية

كلمة بتقولها العيون

الحكاية حاجة أكبر

من سحاب شك وظنون

والنهار لو شمسه راحت

يبقى أى كلام يهون

وأما ليل الهم عشّش

فوق سمانا م البداية

يبقى عندى حق اقولك

مش كفاية واحدة لكن...

ميت كفاية

ترنيمة عشق

صوتك غناوى الطيبين

صوتك امان للمحرومين

صوتك اذان

كل الملايكة تردده

يفتح ببان الجنة للقلب الحزين

صوتك حبيبتى ع المدى

ترنيمة العشق القديم

كل الحبايب تسمعه

تتلم وتقول ع الملأ

بالشوق أمين

مش حمل فراق

بيعاند قال وعايزنى انسى

وعليّا بيتقل وبيقسى

طب حعمل ايه وانا قلبى معاه

والعين والروح عاشقاه لسه

كان نفسى لواحده يكون فاهم

العشق ما يعرفش معاندة

واله الكون واحده العالم

لا انا حمل فراق والا مناهدة

يبعد ويغيب عن عينى ساعات

ويقرّب برضه عليّا ساعات

وانا قلبى معاه كل الاوقات

وبدوب من نظرة ومن همسة

طب حعمل ايه وانا قلبى معاه

والعين والروح عشقاه لسّه

فى قانون العشق الظلم حرام

ودا ظالم من يومه ياقلبى

يخاصمنى ويبعد بالايام

وياريت على حاجة تكون ذنبى

يبقى الغلطان واجرى اصالحه

وياريت بيبان فى عنيه حبه

وابعد الاقينى بروح عنده

من غير ما أكون واعية وحسّة

طب اعمل ايه وانا قلبى معاه

والروح والعين عشقاه لسه

بشكل الملايكة

يا دانا اتولدتى

وشوفتك سمايا

وارضى ومدينتى

وتكبر عيونك ويكبر معاه

هوايا واضمك

فى قلبى يا بنتى

فى يوم عشرة مايو

سمايا تغنى

وترقص عيونك

على دق قلبى

ومهما الهموم

فى الزمان ده تحاصرنى

بشوفك يا بنتى

بشكل الملايكة

القلوب سوق للهدوم

للى يدفع تمنه كاش

واللى يدخل راح يلاقى

كل انواع القماش

بس قبل ما تدخل اسمع

كل نوع الوانه تخدع

اوعى تتغاشم وتدفع

سعر غالى

فى حاجة شاش

كنت ف عينك نجمة بعيدة

حاجة عليك يا حبيبى جديدة

واما بقيت جنبك تتهرّب

لأ يا عنيد انا برضه عنيدة

حبعد عنك واهجر قلبك

واحلف عمرى

ما حبقى وحيدة

وانت الحزن حياكل عمرك

بين اهه ودمعة وتنهيدة