ام علي \\ 16 \ 17 \18\\19

صباح الخير ابو علي
كيف اصبحت ؟؟

والله الحمد لله يابو سليم بس تعبان شوي
خير شو مالك ؟
لا مافي بس ماشبعت نوم مبارح عشان هيك بدني (( جسمي )) مرخي اليوم ولا جاي عبالي اشتغل . بس الارض بدها شويه شغل . الله يقوينا
ولشو ماشبعت نوم خير ابو علي بتشكي من شي ؟
لا ابدا بس كان عندي أرق وماعرفت انام فقمت فتحت النت وسهرت وسحبت معي وانا مو حاسس بالوقت
لا والله الف سلامه عليك خيو بدك مساعدة
سلامتك. انت وين رايح ؟
انا والله عندي مشوار للمدينه بدي اخلص شوية اوراق عشان بدنا نسافر .
الله معك ابو سليم دير بالك على حالك
ـــــــــ

خير شو مالكم يا جماعه صوتكم واصل للشارع ؟ مش عيب عليكم فرجيتو البلد عليكم شو جرى الكم ؟؟تعال شوف صاحبك خيو الظاهر كبر وخرف خير شو في بس مالكم عشو متقاتلين بس ؟شوف هذا اللي طالعلي بلسحبه وقال شو قايم على حالو وبدو يسافرلوين طيب بدو يسافر وشو المشكله ميسافر هالموضوع مستاهل تفزعو البلد عليكم لا خيو هذا بدو يسافر لحاله مو كلنا مع سوى زي العاده اها ولوين ميمكن عندو شغل ؟شغل شو هذا طالع بكلمه انه زهقان وقرفان وحابب يبعد عنا ويغير جو بطلنا عاجبين خيو هلا ومين قال هيك صبرك بالله بس شوي لنفهم منه القصه هو لسا بدنا نفهم هالزلمه حواله تغيرت من يوم مادخل النت عالبيت وانقلب فوقاني تحتاني وبطل شي يعبي عينو وشو ماعملنا عالفاضييا بنت الحلال روقي وفوتي جوه مع ام علي وخليني انا احكي معو طيب لنشوف اخرتها معه لوين بدها توصل لكل خير ان شاء الله بس روقي
__________________

صباحك فل يا ست الكل كيف اصبحتي ام علي ؟الحمد لله والله تمام وفل الفل بشوفتك ياعيونيتسلم لي عيونك ياغاليه والله سلمت ولا هنت يا حبيحضرت الكم الزواده الك ولعلي لك تسلميلي ولا يحرمني منك ابدا طيب بتوصي عشي نجيبه معنالا سلامتكم الله معكم بدكم تتاخرو اليوم يعني يمكن شوي الله معكم وربي يحميكم نفتح هالجهاز ونشوف اخبار اصحابنا والله الواحد بطل يقدر يقعد بلاه صار اهم من الاكل والشرب نفتح هالايميل نشوف حد وندردش معه شو هذا الرابط شو باعته الي ياترى ؟اووووبا شو صاركل الي عملته فتحت الرابط قام طفى الجهاز كله نرجع نفتحه يي علينا شو صار بس يالله مالنا حظ مساء الخير ام علي هلا يا مساء الورد مالك خير ؟مافي فتحت الجهاز ومافتحت الاميل الا وطلع الي رابط بفتحه سكر الجهاز بوشي ومابعرف شو صار اله يالطيف شوف شو ماله يابا يا عليهذا يما فايروس ضرب الجهاز ولازم نوديه للمصلح يا حبيبي ونقعد بلا جهاز ولا نت والله بفقع سلامتك يا حبيبتياسمع ابو عليانا حكت الي صاحبتي عن اشي اسمه لاب توب وورتني اياه جهاز خفيف نضيف ووين ما كان بتقدر تستعمله بس شوي حقه غاليوياحبيبي من وين اجيب الك ؟خد هي اسوارتي بيعها وجيبه والله هي اخرتها نبيع دهبك عشان النت دبر حالك مالي دعوه بدي لاب توب
__________________

(( 18 ))شو صار بالجهاز يابا صارلك خمس تيام موديه شو القصه مطول ؟والله يابا شكله بدو يطوله شوي .اصله الفايروس ضارب شقفه ولازم تغير كلها . وقال شو مبارح رحت سألتهم قالوا بدهم يبعتوه لتل ابيب يتصلح .يا حبيبي على هالحال الشغله مطوله ؟يعني ابو عشرين يوم شهر على مايرجع طيب . وين امك ؟امي اخدت اختي للمستوصف لانها عيانه شوي شو مالها ؟مابعرف .ـــــــــمساء الخير عليكم هلا ام علي طمنيني خيرلا الحمد لله بس طلع التهاب قوي بدانها ولازم ترتاح كم يوم اها الله يشفيكي يابا ديري بالك عليها يام عليبعيوني يابو علي مايهك ـــــــــــــــــها كيف صارت هلأ ؟لا الحمد لله احسن عملت الها شوربه وشربت الدواء ونامت شو صار بالجهاز ياعلي ؟ياستي بدو شهر ليرجع والله ؟اه اصله ودوه لتل ابيب اها وشو قررت ؟بشو ؟انك تشتري لاب توب شو احنا بدنا اللي بنقوله نضل نعيد ونزيد فيه . قلت الك ما معي حقه والله انا مالي . ليش ام سليم احسن مني ليكون لسا من كم يوم جوزها جايبه وعيني كانت راحت تطلع عليه اسمع ابو علي احكي شو بدك ؟انا عامله جمعية مع الجارات ودوري اقبضها هالاسبوع بعطيهن لعلي بجيب النا لاب توب ياسلام لا سلام ولا كلام خلصنا طيب بنشوفمافيها بنشوف يي علينا شو انك نقاقه صحيح مابتنعطي عين
__________________

(( 19))اي خلصينا عاد شو مالك صايره شغلتك بتعل شو مالك معصب ومش شايف الفضا هو انا لحقت لسا هلا طلبت العشا مالك خمس دقايق شو انا مكنه يعني والا مكنه مش معصب ولا اشي بس جوعان وبدي انام زهقان وعايف التنكه اوف اوف من شو خير ان شاء الله وشو مزهقك هالقد ومخليك مش طايق حالك ماليش اشي خلصي هالعشاء بلا كتر برم (( حكي ))الله اكبر من يومين بس حبيبتي وروحي وعمري وهلا بلا كثر برم شو غير الحال وغير الموال ييي علينا شكلنا مش حنخلص من نقك اليوم اما صحيح صدق من قال((نسوان ناقصين عقل ودين))حبيبي مش هيك الحكي بيكون نسوان ناقصين عقل ودينبس مش متل ماحضرتك بتحللها انت فاهم شو معناها لتحكيها لا يشيخه لا مش فاهم هاتي فهمينا يام المفهوميه انتي يا حبيبي ناقصين عقل لانهم حناينودين لانهم عندهم عذر شرعي بيخلي فروضهم ناقصه اها قلتي لي . طيب يا حنونه انتي خلصتي العشا والا لسا خلصت شوي وبيكون جاهز يابا يا علي وينك هيني يابا بدرس شو صار معك بشو يابا بالجهاز وين صار هلا مابعرف ماتصلت اليوم انشغلت بالامتحان وماكنت رايقطيب يابا الله يرضى عليك بكره بتشوف ولو مطول امري على الله بجيب لاب توب الواحد زهق ومش لاقي شي يعمله ولا يهمك يابا بكره ان شاء الله بس شكله مشكلته عويصه وبدو وقت ليخلص
__________________

اهلا ام علي جيتي بوقتك تعي ساعديني شوي
وينو علي عنك ؟
علي راح يجيب سماد وشوي بيجي
طيب تعال افطر على مايجي بتكون ريحت بدنك شوي .
وشو مالك حاسه انك معكر شوي ومش نشيط ؟
اه والله شوي بس بعين الله
سلامتك
الله يسلمك
شو بدك تطبخي النا اليوم ؟
ان الله راد مسخن هيني عجنت وولعت الطابون (( فرن )) وجبت الك فطور ورايحه اكمل شغلي
الله يعطيكي العافيه بس كتري الزيتات غرقيهم
ماشي مايهمك
شو بدي اقولك ؟
قولي خير شو في ؟
باليل بدنا نروح عند جيرانا شوي نسهر عندهم
لشو شو جد بدك تروحي؟
هذا ياسيدي عندهم مشكله مولعه بينهم والله يستر ماتوصل للطلاق
اوف ولشو شو صاير بيناتهم ؟
انا عارفه خيو الزلمه (( الرجال )) شكله طقت فيوزاته وكل شوي بيهدد وبيوعد فيها انه يطلقها
ولشو كل هالمشاكل ؟
مابعرف بس بدنا نروح نحاول نهدي الوضع معهم شوي
ماشي بتؤمري يا قمر

(( شو عرفه اني قمر ))
مايؤمر عليك ظالم حبيبي
خليني اروح اكمل شغلي وانت الله يعطيك العافيه
الله معك
__________________