خفافيش
................
لم الغراب البوم
واتفقوا ع الاتى
صفين نقف فى الجو
ونسد باب النور
نسحب خيوط الفجر
على كهفنا المسحور
البومة تبقى الدليل
والدفة فى ايديّا
وانا هستخبّى واجيب
وطاويط حواليّا
نمسك زمام الكون
واحنا اللى نتسلطن
واى نور هيبان
هنقول عليه معطّن
فاكرين بإن الزور
ممكن يدوم ويعيش
من إمتى كان النور
يقدر عليه خفافيش
حتما يعود الضى
من قلب فجر جسور
حبة غبار فى الجو....
ما يشوهوش النور
...........................
Falling hearts Here
ليست هناك تعليقات:
إرسال تعليق