نخيل النيل ما يوم وطّى
دا ساجد للإله تسابيح
ومهما الريح
تحاول كتم أنفاسه
بيرفع للإله راسه
وينده تيجى حراسه
تصد الريح
يا بنت النيل يا مصرية
يا فاردة الشعر ع الميّة
بإيدك تتملى الزلعة
وتروى الأرض حنيّة
فتطرح نخل أبريمى
وترقص رقصة بدوية
تدق الطبلة فى النوبة
يسقف لسكندرانية
وتبقى انتى فى وسطيهم
كما النجمة الملالية
وترمى الضى ع العالم
يعودالضى أغنية
تلاقى الكل بيردد
صباح الخير نفرتيتى
صباح الخير يا مصرية
Falling hearts Here
هناك تعليق واحد:
الله أكبر ما شاء الله يا فندم
يارب اتعلم
دمت بخير أستاذتنا
إرسال تعليق