الأيام كام؟

الأيام كام؟
.........

شوفتك يا حبيبى قمر طالع

والليل عطشان للنور ويّاك

شوفتك نسماية بشوق جاية

تحدف أغنية على الشباك

مش عايزة أقوم م النوم علشان

ما تضيعش الصورة من الأحلام

أتاريها حقيقة ما هيش أوهام

واتارينى بنن العين شايفاك

***

وليالى البعد اللى خدتنى

ورمتنى على بحور الحرمان

جرحتنى بقسوة وخلتنى

محتارة وتايهة ماليش عنوان

أتمنى الموت ولا بيجينى

وأعيش فى عذاب كل سنينى

ادعى اللى خلقنى يخلينى

أتحول نجمة تهيم فى سماك

***

كان ييجى الليل أبكى واقولك

تصبح ياحبيبى فى جوايا

وأمد إيديّا أجيب صورتك

أحضنها وأعملها غطايا

وما كنتش أبدا بعرف أنام

سهرانة أعد الأيام كام

تغلبنى دموعى ف لحظة انام

ماهو يمكن اكون فى الحلم معاك

***

ورجعت حبيبى قمر طالع

والليل عطشان للنور ويّاك

.............................

كارت الدعوة

كارت الدعوة
................

كان قلبى زمان

بيحب وكان

بيشوفك دنيا وحضن أمان

أول ما تغيب

الشمس تغيب

والليل بيجيب دمع الأحزان

ساعة ما تعود

يبقالى وجود

مش بس وجود.. يبقالى كيان

لكن كان قدرك يوم تغلط

قدام البحر ف طبرية

وتنادى عليّا بإسم غريب

ولا جاش على بالى تكون هىّ

معقولة..دى كانت شئ مني

وتهون الروح ولا هىّ تهون

دنا كنت أصدّق على نفسى

ولا اصدّق لحظة عليها تخون

لو فاكر ما نطقتش كلمة

ولا دمعة عين نزلت مني

فكّرت ساعتها ان الصدمة

حوّلت الدمع لباب قلبى

روّحت إزاى؟ أنا مش فاكرة

إنهارت .. دا شئ أنا مانكرهوش

والدمع انحاش مش م الصدمة

دا انحاش عشان انت ما تستهلوش

شهرين ولقيتها قصاد مني

جايالى تخبّط على سهوة

والدمعة اللى انحاشت مني

إنهارت على كارت الدعوة

لو كانت حرب مابين أعداء

على أرض ودين وكيان ومصير

هتلاقى قلوب رغم الصواريخ

فى الحرب تكون أرحم بكتير

لكن انتوا أكيد مش بنى أدمين

ولا فيش جواكوا قلوب بتحس

أنتم شياطين فى الليل عايشين

شايفين العالم إنتوا وبس

سنتين وانا عايشة ومش عايشة

واحتاروا الأهل ف ايه جالى

التوهة تاخدنى وفى ميعادك

أنده على إسمك طوالى

دلوقتى خلاص قلبى رجعلى

واتعلم بس يعيش ليّا

وكرهتك وكرهت حروفك

وكرهت البحر ف طبرية

......................

مش غريبة

مش غريبة

لما كل الناس تحبك

مش غريبة

لما كل الناس تخبى

بس صعب حبيبى تلقى

قلب عاشقك زى قلبى

انت ليّا صبح نادى

جه يبوس خدى و عيونى

واما فجأة الليل ينادى

تبقى فى الاحلام نجومى

إنت عينى ..إنت قلبى

إنت روحى وبيك أكون

غصب عنى.. حسة إنّى

دايبة فيك حب وجنون

شايفة كل الدنيا إنت

النهار والحلم إنت

حتى شايفة الجنة إنت

جوه فى القلب الحنون

شوفت ليه دايما بقولك

مش غريبة الناس تحبك

مش غريبة الناس تخبى

بس صعب حبيبى تلقى

قلب عاشقك زى قلبى

..................

رسول الغرام

طبع البشر خدّاع

واللوم على اللايمين

الصدق لو يتباع

واعرف طريقه فين

أمشيله ميت مشوار

وأجيب ولو قيراطين

أبنى عليهم دار

ملجأ لكل حزين

والكدب لو يوم ساد

هختارلى ناس تانيين

تنسى نفسك

إوعى تسيب أملك يتسرسب

بين دهاليز الخوف واليأس

إوعى الليل الفارد إيده

يدفن حلمك جوه الأمس

إقطع كل خيوط العتمة

هات من قلب الضلمة الشمس

واما تحس العالم ظالم

عيش علشانك انت وبس

اوعى تغفر ذنب واحدة




باعت العهد اللى كان




اوعى قلبك مرة يعطف




مهما دمع عنيها بان




اللى باعت مرة ممكن




مرة تانية تبيع هواك




ما تسامحشى اى نجمة




مرة بعدت عن سماك




واللى طبع الغدر فيها




صعب يعدلها الزمان




تبكى لكن فجاة تصبح




زى بحر مالوش امان




اوعى قلبك مرة يعطف




مهما دمع عنيها بان

لو باعك مرة بيعيه

لو حتى رجعلك باكى




وان جه ولا تسألى فيه




لياليه ارميها وراكى




وقوليله انا مش عايزاك




من قلبى خلاص رافضاك




وان جيبت الجنة معاك




هقفل ع الهوى شباكى




........................

لساكِ مصر..

مصر الهرم والراية للعالم دليل

مصر الحضارة وشمسها

فوق اى ليل

مصر العلوم والدين

مصر السلسبيل

تاج على راس الزمن والمعتدى

حتما هييجى اليوم

ويتحوّل ذليل

باب النور

يا مسافرين للنور

باب الاله مضياف

والسكة لو كات نار

تلقوا السحاب صفصاف

والضلة نور على نور

والرحمة كاس بيدور

غير الصبايا الحور

حبة نسيم هفهاف

واللى ما صابه الدور

بالعيد هيتهنّى

ويبات سعيد مسرور

يحلم ويتمنّى

يدعى الكريم مولاه

يقبل صلاه ودعاه

كل اللى يتمناه

يبقى هناك طوّاف

يا مسافرين للنور

باب الاله مضياف

بيكحّلوا الملاعين

...............

فى بداية الحواديت

من قبل كان ياما كان

وانا قلبى طاقة نور

والطهر دا توبى

والنخّاسين صفّين

بيكحّلوا الملاعين

ويحاصروا فى دروبى

قلبى يا فجر جديد

إفرد شعاع المنى

ع السكة للأخر

إظهر فى كل مكان

خلّى النهار عنوان

والضلمة تتّاخر

الطهر بحرى انا

لو موج يعدّى هنا

واحد هيغسلهم

إبليس فى كدر الزمن

عاصى وكان التمن

يتمشّى فى بدنهم

ما اعرفش اكون زيّهم

أمشى على نهجهم

وتزيدى يا ذنوبى

دا كفاية من جهلهم

بيزيد فى نار حقدهم

ويتاجروا ف غروبى

سيبتلكوا ارض العفن

تبقالكوا دنيا وكفن

واختارت اكون انسان

يحمينى رب الكون

من أى شئ ملعون

وافضل طريقى أمان

وانتوا يا كهف السوس

فوق ضهركم راح ادوس

واوصل لأعلى مكان

زيدوا فى نار حقدكم

جيبوا الشيطان جنبكم

هفضل قصاد منّكم

فوق السحاب عنوان

.......................

خفافيش

خفافيش
................

لم الغراب البوم

واتفقوا ع الاتى

صفين نقف فى الجو

ونسد باب النور

نسحب خيوط الفجر

على كهفنا المسحور

البومة تبقى الدليل

والدفة فى ايديّا

وانا هستخبّى واجيب

وطاويط حواليّا

نمسك زمام الكون

واحنا اللى نتسلطن

واى نور هيبان

هنقول عليه معطّن

فاكرين بإن الزور

ممكن يدوم ويعيش

من إمتى كان النور

يقدر عليه خفافيش

حتما يعود الضى

من قلب فجر جسور

حبة غبار فى الجو....

ما يشوهوش النور

...........................

رد: مستحيل

جواكى حياه

وامل وكتاب

وطريق الله

له الف حساب

قلبك تسابيح

تراتيل وضريح

وقصاد الريح

بتكونى سحاب

قلبك ترنيمة عشق قديم

لكتاب قرأن والمولى كريم

وعيونك جنة طريقها براح

وعلى الشياطين مقفول ميت باب

قلبك تسابيح

تراتيل وضريح

وقصاد الريح

بتكونى سحاب

...................

رد: إبتدا يهجم عليّا

إوعى تزعل لما صاحبك

ينقلب حيّة وفحيح

دوس على رؤوس الأفاعى

واعلا فوع أجدعها ريح

قلبك المفتوح مداين

وف طريقه النور جناين

دا الدهب فى الأرض باين

مهما كان جنبه الصفيح

دوس على رؤوس الأفاعى

واعلا فوق أجدعها ريح

.......................................

رد: من رباعيات احمدراضى

لسة الطريق مفروش

بالحنة يا راضى

اصبر اكيد الخير

هيعدّى وينادى

حبة ايمان بالنور

وادعى لرب غفور

تلقى الزمان بيدور

ع الظالم العادى

....................

سقط الجدار //صبحي سعيد

ممكن ياجوز سقط الجدار



لكن اكيد قلبى العمار



قادر على لم الحجر



يبنيه ومهما الليل قدر



على هدمه بكرة هينتصر



وهيعلى ويجيب النهار



دى الصحرا بالحب الكبير



والعزم تتحول خضار



.............................

رد على قصيدة عبد الرحمن الفارس ( الحلم كان وهم اترسم )

الحلم عمره ما يبقى خوف



ولا عمره يطويه الزمن



الحلم اكبر م الظروف



ولا يوم يسلّم للشجن



وان غطى يومه ف يوم ضباب



قادر يدوس فوق السحاب



ينده على الفجر اللى غاب



ويشده من قلب المحن
.......................................

رد على قصيدة خضره ابو ليلة (قتل الرصاص حلمى ) فى القناديل

مهما يكون صوت البارود

عالى ويهدم ف البيوت

صوتك يا خضره نجمتين

على صدر فارس بجناحين

رافع رايات المؤمنين

قاطع خيوط العنكبوت

صوتك دا فجر نهاره جى

والفجر مش ممكن يموت
..........................................

بكرة يا طعم الغنا

مستنيين يا نهار

شمسك فى لحظة تبان

مستنيين والليل

قاعد بقاله زمان

جفت دموع العين

والدم ع الخدين

نازف بقاله سنين

ع الأقصى والجولان

تزرع إيدينا العنب

يطرح شجرنا مرار

والضحكة من كام سنة

غايبة عن الدوار

يا هل ترى محتمل

يرجع نهار مكتمل

يطرح زتون الأمل

تانى ف جنوب لبنان

بغداد أكيد هتعود

يوم رجعتك ياهارون

تكسر بعزم قيود

وحدود لجيش ملعون

بكرة يا طعم الغُنا

تطلع رايتنا السما

تحكيلنا ميت ملحمة

مع كل رفع اذان

واقلع جلدى واضمك

أمد يمينى وأشاور

ألاقى اليسرى بتصبّح

ورغم البعد فى المسافات

بشوفها وقاعدة بتسبّح

وتدعيلى براحة البال

وتبعتلى الدعا رحال

أحس ايديها فى جبينى

بترقينى.... وبتمسّح



كبرت صحيح لكن لسة

بشوفنى طفلة ف عنيكى

وبفرح لما اكون حسه

بطعم الحضن باديكى

يارب البعد دا كافر

بياخد فرحى ويسافر

لكنك يا كريم قادر

تقربلى البعيد وافرح


منايا يا أمى اكون جنبك

وخدامة برموش عينى

ويكفينى حنان ضمك

ونظرة عين تدفينى

وأقلع جلدى وأضمك

أنام وارتاح على صدرك

دنا فى البعد واحلفلك

ماليش جوة الوجود مطرح

عشان بكرة يعود بكرة

بشكل جديد ماهوش جارح

عشان الشمس تحضنّا

وييجى نهار يكون طارح

لابد نحب ايامنا

وننسى اللى انفرط منّا

نعيد الضحكة لعيونّا

ونرمى الدمع ف امبارح

يابحر قاسى لكنى عاشقك

دايما بحسك يابحر خلّى

ومهما الومك ومهما اعاتبك

بلاقينى دايما وياك تملّى

احكى وافضفض كل اللى بيا

وافضل فى حضنك م المغربية

ومهما جار الزمان عليّا

بلاقيك حاضنّى وحافظ لسرى


وف لحظة اشوفك بتزوم وتهدر

وبيعلا موجك وف ثانية يغدر

تبلع حبايبى والجرح يكبر

يابحر غيرهم فى ايه فاضلّى

فلسطينى..

ومن دمى النهار طالع

فلسطينى..

ومهما احس بمواجع

اكيد بكرة بدمى الحر

حجيب من بعد ذل النصر

وحزرع وردتين للصبر

يقابلونى وانا راجع

فلسطينى..

ومن دمى النهار طالع

انا المجروح

مداوى الجرح باللمة

وخايفة تنجرح اكتر

وفين اللمة دى لما

لقينا فراتنا متعكر

ياخوفى ف عز لمتنا

تضيع م الشفة ضحكتنا

وتملا عيونا دمعتنا

وفوق الدمع نتحسر

اجانه العيد

صار الوطن أشلاء

والحلم صار كوابيس

من بعد لمة فراق

بين كل دار متاريس

يا بكرة طاح الهنا

ونخيلنا عوده انحنا

من عزنا لذلنا

إسودت الفوانيس

...........................

الله أكبر ع الساكت
على كل شيطان
الله أكبر على أمة
ما بقيتش أمان
الله أكبر على حاكم
مش همه الدين
الله أكبر على جيشنا
صفين نايمين
يترحّموا زى المشاليل
على جيش حطين
والخلق ساكتة على الكفار
والدين يتهان
..........................................

فلاحنا ف كل وطنا خلاص

ما بقاش فلاح

ولا شجر الصبر على كفوفه

بيطرح تفاح

علشان الطيبة اللى ف قلبه


من بعد ما ديّر سجادته

للغرب وحط هناك رايته

كل الخير راح


..............................................

الجسم هزيل

والعقل الحاكم قلبه بخيل

عايز يستحوذ ع العالم

وقصاده الناس كلها تماثيل

فما تستغربش لاى قرار

طول م القرارات من عقل قابيل

رد : مجروح قوي

تبقى بره المسرحية....

تبقى جوه المسرحية

مش حتفرق فى الرواية

أصل من بدء الحكاية

والحقيقة هى هى

إنت غير صالح يا صاحبى

للبطولة

إنت كومبارس الحياة

وأما تعلا

بس تصبح بهلوان

كل دوره شقلبة وهز الودان

لجل ثانية واحدة يضحك

إبن السفير

وإبن الغفير

وإبن ال..............

أما انت يا إبن ال....

فقير

إوعى يوم تحلم بإنك

تبقى شئ فى الدنيا ديّا

ومش حتفرق

تبقى جوة المسرحية

تبقى بره المسرحية

إنت من بدء الحكاية

عالة جت للانسانية

..........................................

الود شجرة توت

ترمى الظلال ع المدى

وتنسّم الملكوت

والصد شجرة سم

من داق ثمارها.....

يموت

..............

كنت فى عينك نجمة بعيدة

حاجة عليك يا حبيبى جديدة

واما بقيت جنبك تتهرّب

لأ يا عنيد انا برضه عنيدة

أى دموع حتشوفها عينيّا

هتزيد جوه القلب قسية

راح ابيعك وأبيع الدنيا

وارسم دنيا واعيشها وحيدة

وان ما قدرتش يبقى نصيبك

بعد ما تشعر إنى ف إيدك

فجأة ف لحظة تشوفنى بسيبك

بين اهه ودمعة وتنهيدة

منا يا عنيد فى الحب عنيدة

..........................

ياليلة العيد

ياليلة العيد يا بشرة خير

وفرحة بعد شهر صيام

يغنيلك شجر مع طير

ونفرح بك تلات تيام

بنلبسلك جديد فى جديد

ونسهر لما فجر سعيد

وبعده نروح نصلى العيد

ونزعل لو خلصتى قوام

ياليلة العيد

لوكات ذنوبك جبل

رب العباد غفار

والرحمة سبقت غضب


من أول المشوار

أدم أبونا عصى

والتوبة كات مخلصة

ذنبه الكبير اتنسى

والجنة مثوى ودار
......................

الأم نهر حنان
والأب شجراية
يجتمعوا حضن أمان
نسمة وضلاية
إيه م الزمن عايزين
غير ضحكة فى عنينا
يشقوا عشانّا سنين
ويطبطبوا علينا
بدعى لاله غفار
دعوة ضعيف محتار
فى نهاية المشوار
الجنة وكفاية
................................

ما تلومش يوم ع الزمن
قلب الزمن مسكين
طيب وطبع البشر
فوق الزمن دايسين
اللوم على اللى يخون
وعليه حبايبه تهون
عمر الزمن ما يكون
غدار يا بنى ادمين
.....................................

هات عينيك قدام عينيّا
الكلام دا قاصده ليّا
لو كدبت زمان بكلمة
إوعى تكدب مرة تانية
لما قولت انك نسيتنى
كنت عارفة انك فاكرنى
واللى مانتش فاهمه ابدا
إن بُعدى غصب عنى
واما جيتلك فاردة ايدى
إنتى مين؟ بتقولها ليّا
إوعى تكدب مرة تانية
ألا لو فكرت أبعد
دنيتك ما تكونش دنيا
إوعى تكدب مرة تانية
إوعى تكدب مرة تانية
................................

مولاى أنا عبدك

جايلك وانا الجانى

طالب ببان عفوك

وذنوبى سابقانى

إغفرلى يا رحمن

بركة ساعات رمضان

وشفاعة القران

طهّرنى من تانى

..............................

ام الذيول غربان

قلب الحقايق سمة

عند اللى باعوا الشرف

والنار تزيد كلما

فشلوا فى صيد الهدف

تنبح كلاب السكك

أم الذيول غربان

ويزيدوا فى الهوهوة

كل النهار ما يبان

وعشان نهارى الصبى

راجع بشئ مختلف

شعلل فى نار حقدهم

بالغل جاتهم قرف

لكن أكيد هيبان

للناس قذارتهم

واهو كل شئ بأوان

والكل راح يتعرف

....................................

من مسرى رسول الله ببعت

من قلبى لكل حبايبى سلام

وبهنّى بشهر كريم قرّب

ويعوده علينا بخير وأمان

ويارب توفّق خطوتنا

واتقبّل صومنا وصلاتنا

ايه أجمل من خير لمّتنا

وقرأن رمضان

من مسرى رسول الله ببعت

من قلبى لكل حبايبى سلام

.....................................

تهنئة بشهر الصوم

رمضان مش شهر يا دوب ويفوت

رمضان ملكوت

ويارب نعيش فى جمال يومه

بنقوم ع الخير وننام عالخير

فى قيام الليل ونهار صومه

من قلبى بهنى الكل واقول

بلغنا يا مولانه قدومه
............................

رباعيات الحب وعمايله

مديت ايدين الهوى

لأهل الهوى سلامات

دابت حبال الهوى

من كدبة البسمات

يا قلبى يا مبتلى بالحب امتى تتوب

فى زمانّا شكل الهوى

بقى بس كلمة.....هات

.................................

أيوه مش مفروض تعيش

إنت مين يابو عقل لاسع؟

جى تفكّر؟!

يبقى حتسبب مواجع

للحكومة والوزارة

وانت أحقر م الحقارة

وف قانونهم تلقى تمنك

ما يساوييش حتى السيجارة

وانت سايق فى المعارضة

زى شبكة ناقصها عارضة

ما تساوييش....

كل ساعة جى نافش

بالكلام جناحين وريش

دانت مش مفروض تعيش

انت مش مفروض تعيش

...............................

علشان الدنيا ترجع

وضمير الناس يفوق

لازم من جوه منّا

نفرش ع الأرض ضوء

وبحبة من إيمانّا

حنعود أجمل ما كنّا

مش أى بريق ياخدنا

بسذاجة نقول شروق

...........................

يأس

ومهما تحاول الريشة

حتطلع صورة بهتانة

عشان الدمع خلانا

بنتكحّل بليل داكن

ما فيش ألوان ... ما فيش لكن

ما فيش قمراية تروينا

بضى برئ

ولا نجمة تبل الريق

ما فيش غير الدموع تروى

ولما تفيض....

بنملا للزمن أباريق
........................................

صفر كبير

سنين مغشوشة فى صحابى

وشايفة الضحكة فى عيونهم

فردت القلب ضلاية

ونسمة شوق بتحضنهم

اتارى الضحكة دى كدبة

وظاهر حبهم كدبة

وكدبة تجر كام كدبة

ويملوا القلب بسمومهم

انا المخدوعة فى صحابى

وانا المطعونة كام طعنة

ورغم جراحى بتبسّم

وأفرش ف الطريق حنة

أدارى الشوك بعيد عنهم

واحط الورد فى كفوفهم

يموت الورد من نارهم

وفاكرة ف قلبهم جنة

انا الساذجة ومن طيبتى

ما شوفتش ليلهم الحالك

ولا الحقد اللى ماليهم

برغم الحقد كان هالك

وواخداهم سنين منّي

وف عيون العيون ننّي

وهما بقسوة رامينّى

لسكة غدر ومهالك

يا قلبى خلاص بلاش تبكى

وادفن حبهم فى البير

مادام حبك مالوش نايب

ولا باين لهم تغيير

وبحساب الحساب ياخدوا

بعدل الدنيا صفر كبير

( جنتكوا كافرة )

إفتكرت قلوبكوا خضرا

فيها حتفرّع ورودى

التقيت ف عيونكوا جمرة

قاصدة تحرق منى عودى

الجحيم اللى ف قلوبكوا

حقد ناره ف يوم تاكلكوا

أما وردى بره عنكوا

بكره حيزيّن خدودى
...........................................

قلبى كان فارد جناحوا

فى الهوا قاصد سماكوا

فكره أيامى اللى راحوا

بالهنا حتعود معاكوا

إتخدعت وكنت فاكرة

جوه منكوا نور لبكرة
التقيت جنّتكوا كافرة

والإيمان راسم حدودى

.....................................

أسفة جدا مش طريقى

سكة الحقد بتاعتكوا

قلبى وبحلمه الحقيقى

فى النهار قادر يدوسكوا

إنتوا أكبر كدبة كانت

ويّا أول فجر بانت

ضحكة صفرا ف لحظة خانت

دوستها وغنّيت نشيدى

.................................

ما قدرش يحلم بالسفينة

فى الطوفان

الموج سرق حلمه العبيط

السيف ورق

وحصان خشب

إزاى حيفتح بوابات

فى زمن لقيط

والسندباد

مركبته فيها ألف شرخ

إزاى يفوت الشط

أو يدخل غويط...؟!!

...................................

إزاى عبير الورد

حيفوح على دارنا

واحنا بنروى الورد

بعرقنا ودموعنا

وازاى حننسى الأه

والجرح جوانا

ندى الغريب القوت

وننام على جوعنا

وياريت فى كلمة شكر

دا الحقد واكلهم

ياخدوا النهار البكر

ويداووا فى جروحهم

واحنا النهار زرعنا

الطرح مش لينا

حتى فى ليل الهم

بيطفّوا فى شموعنا

إنسان شجاع.. إزاى يكون

وفى الأوهام سنين عايش

وسايب عمره للأمطار

وحلمه فى الربيع بايش

ما تنتظريش يجيبلك نور

دا مركب والشراع مكسور

ولو حاول يعدّى السور

حيفضل برضه ع الهامش
.....................................

رغم العناد

رغم الغياب

رغم ان نور الشمس

مداريه السحاب

فى لسه حاجة

جوه منّا تشدنا

وبإيدها تفتح للّقا

ميت ألف باب

دا الحب فى عيونك حبيبى مركبة

قادرة تشق البحر

وتهد الصعاب

نتعب سنة

ونتوه سنة

لكن أكيد صوت حبنا

هيجيبنا بعد الإغتراب

دا الحب طفل بيتولد

أجمل ما فيه......

حبة عذاب
................................

سنة سعد عليكى هنيالك

يوم ورا يوم ورا يوم يا حبيبتى

يبقوا شهور وسنين بتعدى

وانت يا هالة يا اجمل هالة

زى نسيم ع العمر يهدى

حاجة غريبة

كل نجوم الليل مرصوصة

اللى بترقص واللى تغنّى

حتى القمر العالى قصادنا

قرّب حبة وجى يهنّى

جى ياروح القلب عشانك

يحدف نور ع البيت ويشارك

ماهو مش يوم وخلاص هيعدّى

لأ يا حبيبتى

دا شهر ميلادك

وانا من قلبى يا قلبى بقولك

سنة سعد عليكى هنيالك

سنة سعد عليكى هنيالك

................................

عقبال الجامعة يابنتى

ونجحتى يا أجمل دانا

عقبال الجامعة يا بنتى

والكل يغنى معانا

على نغمة دانا حبيبتى

يا ضنايا يا نبض وريدى

دانجاحك كان يوم عيدى

وانا مالكة الدنيا بإيدى

بشهادتك لما نجحتى

*************

فى عنيكى لمحت الفرحة

وكأنى بطير فى النور

ولقيت الدنيا الجارحة

صبحت بساتين وزهور

كل العصافير بتغنى

تبعت مراسيل وتهنى

واخدين الفرحة دى مني

ماهى دانا دى بنتى لواحدى

عقبال الجامعة يا بنتى

***********

وحياة سهرك يا حبيبتى

للصبح تذاكرى دروسك

وانا جنبك وانت ف حضنى

قلبى بيدعى وبيبوسك

واله الكون ويّانا

شاهد على كل شقانا

ولا خيّب مرة رجانا

وعطانا كتير ونجحتى

عقبال الجامعة يا بنتى

**********

رد: وفكرانى

مافيش مجهول ولا حاجة

لكن الذنب ما بيديش

انا نهر الحنان لكن

فى ناس تاخد ولا بتديش

وناس عايشة على الهامش

وناس مش لاقية حتى تعيش

ونفس اللحظة فى عالم

بتشرب دم ناس بشويش

تمز نعامة عالسفرة

وتعمل مرتبة بالريش

وانا شايفة ودمعى دم

عشان بابى اتملا دراويش

وليه ضاعت خطاوينا

وليه البُعد عطّشنا

برغم الميّه فى إيدينا

تعالى نعيد زمن ولّى

نعيد اللمة والشلة

ونشقى بس ما يضرش

عرقنا بشهده يروينا
................................

*** أنا عايشة بيه ***

مع انه طالع من زمان

لكنى لسه بلمحه

يمكن عشان قلبى اللى كان

تايه سنين عن مطرحه

دلوقتى بقى حلمه الكبير

يفضل فى نن عنيه أسير

عصفور ورافض يوم يطير

من قلب حضنه مريّحه

*****
فاتت شهور وانا مش هنا

مع إن قلبى كان طبيب

وكأنى بيه عايشة أنا

مع كل دقة بقول حبيب

علمنى أندم عاللى كان

وانسى اللى فات أيام زمان

منا شوفت فى عنيه الأمان

يا حبايبى مع قلبى افرحوا

*****

يخاصمنى أبقى خايفة موت

واكتبله بدموعى التماس

يجاوبنى قلبه بأحلى صوت

يا حبيبتى م سامحتك خلاص

وافضل حريصة ف كل شئ

خايفة على قلبه البرئ

من أى نسماية ف طريق

تدخل فى لحظة وتجرحه

منا قلبى أه عصفور أسير

لكنه رافض يوم يطير

من حضن قلب مريّحه
...........................

حبة رتوش

لحظة سقوط الأقنعة

حتما يبان

مين اللى خاض المعمعة

ومين الجبان

مين اللى لابس ألف وش

من الوشوش

مين اللى حقده بيداريه

بحبة رتوش

مين اللى فى الكدب اتعجن

مليون لسان

مين اللى كان

ملفوف بتوب قديس سنين

أما الحقيقة مجردة

جواه شيطان

أقولك إيييييه....

أنا زيّك قسيت ياما

عطيت الحب من قلبى

وقابلوا الحب بخيانة

حميت غيرى من المطرة

رمانى الغير فى دوامة

لكن قلبى اللى عاش يدّى

مازال يدّى

مازال قادر

يبيّن للجميع بسمة

ونهر الدمع فوق خدّى

مازال قلبى الخضار قادر

يغنّى مهما يتوجّع

مازال حالم

ما زال فاهم

بإن الليل أكيد راحل

وفجر الحب راح يرجع
....................................

وانا ما طلبتش تنسى غرامى

أنا ببعد وانا عارف ذنبى

حتغرّب علشان أحلامى

تتحقق بوجودك جنبى

لما ارجع وشايلك مهرك

وأجيبلك الجنة لحدك

وأحس انى صحيح أستاهلك

أفردلك فى طريقك قلبى

والشجرة المايلة على غرامنا

على طعم الاحلام حتغنّى
.............................