لو ع الفقر بسيطة يا صاحبي
ممكن جدا برضه نخبّي
بس هنعمل ايه في الدنيا
ماهي زلّة الطفل اللي بيحبي
11
قبل 15 عامًا
الأحد، 13 يونيو 2010
ما تغيبش
......
إحلفلي بضي عنيك
ما تغيبش دقيقة يا غالي
إحلفلي الله يخليك
وكفاية سهرت ليالي
أنا خايفة ف يوم تفارقني
وتسيبلي دموع تحرقني
لو كنت بجد عاشقني
إحلفلي وطمّن بالي
ف غيابك كنت ف حيرة
مش لاقية طريقي ونفسي
ودموعي ف ليلي كتيرة
أوهامي خدتني ليأسي
أترجّى نسيم الليل
ييجي يجيبلي المراسيل
ونجوم الليل قناديل
تواسيني وتبكي لحالي
ورجعت ورجعت روحي
ماهي كانت رايحة معاك
واتبدّل دمعي ونوحي
لغناوي تقول عشقاك
إعشقني وقد ما تقدر
وانا هطلب منك أكتر
إملالي الكاس المرمر
أشرب وأكيد عزّالي
.......................
الأربعاء، 9 يونيو 2010
الأحد، 6 يونيو 2010
ميلا
ميلا يا كلمة بشوق حسّاها
جاية وجايبة معاها الشمس
أمك إيه.. ماخلاص هنساها
دا مافيش غيرك انت وبس
أصل أعز الولد عليّا
ولد الولد وبرضه شوية
انت النور والهوا والميّة
بيكي الروح بتطير وتحس
ومافيش غيرك إنت وبس
الجمعة، 4 يونيو 2010
Neama Nasserمتهمش تهميشا متهمش // رد
من يقبل تهميش ف الصفحة
يتحمل ركنته ع الرف
واللي يكون عنوان هيكمّل
يوصل حتما أول صف
خودلك موقف دوس على جرحك
دوس على حزنك واعلن فرحك
إضحك خلّي الكون يضحكلك
تلقى الجرح ف قلبك خف
الاشتراك في:
الرسائل (Atom)
Falling hearts Here