يوم ولا في الاحلام

فعلا يوم ولا ف الاحلام

لما بقيتي يا دانا عروسة

حسيت قلبي كأنه حمام

بيزوّق خدك بالبوسة

من قلبي ياقلبي بغنيلك

وبطبطب ع الروح وادعيلك

تسلملي الضحكة اللي ف عينك

وتملّي اشوفك محروسة

رد

لو ع الفقر بسيطة يا صاحبي

ممكن جدا برضه نخبّي

بس هنعمل ايه في الدنيا

ماهي زلّة الطفل اللي بيحبي

ما تغيبش

......

إحلفلي بضي عنيك

ما تغيبش دقيقة يا غالي

إحلفلي الله يخليك

وكفاية سهرت ليالي

أنا خايفة ف يوم تفارقني

وتسيبلي دموع تحرقني

لو كنت بجد عاشقني

إحلفلي وطمّن بالي

ف غيابك كنت ف حيرة

مش لاقية طريقي ونفسي

ودموعي ف ليلي كتيرة

أوهامي خدتني ليأسي

أترجّى نسيم الليل

ييجي يجيبلي المراسيل

ونجوم الليل قناديل

تواسيني وتبكي لحالي

ورجعت ورجعت روحي

ماهي كانت رايحة معاك

واتبدّل دمعي ونوحي

لغناوي تقول عشقاك

إعشقني وقد ما تقدر

وانا هطلب منك أكتر

إملالي الكاس المرمر

أشرب وأكيد عزّالي

.......................

كل البنات أزهار

ياسمينة أو سوسنة

وساعات تكون أشعار

غنواية أو دندنة

لكن أنت فوق الكل

نسمة ورموشك ضل

والضحكة لما تهل

يا ميلا تفرد هنا

لو يقولولي العالم سكر

برضه ياروحي بحبك أكتر

دانت يا ميلا الشمس بعينها

ضحكة عينك شهد مكرر

ميلا

ميلا يا كلمة بشوق حسّاها

جاية وجايبة معاها الشمس

أمك إيه.. ماخلاص هنساها

دا مافيش غيرك انت وبس

أصل أعز الولد عليّا

ولد الولد وبرضه شوية

انت النور والهوا والميّة

بيكي الروح بتطير وتحس

ومافيش غيرك إنت وبس

‎Neama Nasser‎متهمش تهميشا متهمش // رد

من يقبل تهميش ف الصفحة

يتحمل ركنته ع الرف

واللي يكون عنوان هيكمّل

يوصل حتما أول صف

خودلك موقف دوس على جرحك

دوس على حزنك واعلن فرحك

إضحك خلّي الكون يضحكلك

تلقى الجرح ف قلبك خف

بداية القصة مفهومة

ومتشافة كمان بالعين

يهود ملاعين وعايزنا

نعيش العمر مذلولين

وايد الغرب بتساعد

مناهم بس نتباعد

ياريتنا يا أمة نتعاهد

نعيد خيبر .. نعيد حطين

رد: صديد ... أحمد سعيد موسى

ياللي انت شايف كل يوم

حلمك شهيد

والليل بيعزف ع الجراح

غنوة ونشيد

الياس شئ ضد الأمل

إصنع من الأحلام جبل

وأكيد بإخلاص العمل

حيهل عيد

والليل مؤكد مش دوام

لو حس بيك رافض تنام

حيروح ويبعتلك قوام

فجره الجديد

رد: مساجلة للقناديل بالعامية .. هل من مشارك ؟؟

القناديل حضنها مفتوح

م المغرب لمّا لأقصانا

حاجة حقيقي ترد الروح

لما يكون أهلنا ويّانا

قصة وشعر ونثر وغيره

كله محدد خط لسيره

ورد وغطّى الدنيا عبيره

دي القناديل أرضنا وسمانا

دنيا وفيها العجب

بتغرب الأحباب

تكسر قلوب من دهب

تعمل تمن لتراب

تبعت بصيص الأمل

للعين نقول محتمل
وش الزمان يتعدل

يطلع بصيص كداب

آدم

ملايكة ربنا سجدت

لإسمك .. مبتدا التكوين

ولو شمس النهار رحلت

عيونك ضيّها فدادين

تنوّر مهما كان الليل

وتحدف ع الظلام قناديل

ماهو انت البراءة وإنت الدليل

وإنت اللي جايلك نهار بجناحين

ملايكة ربنا سجدت

لإسمك .. مبتدا التكوين

كبرتي ف قلبي

كل سنة وانتي

أحلى حاجة عندي

وتعيشي يا دانا

تبقيلي يا بنتي

جنتي وأرضي

والشمس ف سمانا

عيدك عيد قلوبنا

جوه عنيكي دوبنا

والأحلام معانا

***

كنتي نونو تحبي

وكبرتي في قلبي

فرح القلب بيكي

جوه عيوني فلة

شمس وأحلى ضلة

والقلب يناديكي

عمري اللي ف ربيعه

لو يتباع أبيعه

وبروحي اشتريكي

***

إنت وبس شاوري

تلقي الروح بتجري

وتنفذ أوامرك

لما تقولي ماما

قلبي يكون حمامة

جايب ضي فجرك

واما عنيكي تدمع

روحي تروح و ترجع

بس لجل خاطرك

***

النهارده عيدك

كل الكون ف إيدك

وادي السعد جانا

قيدو الشمع ايدوا

زيدو الورد زيدا

واتلموا معانا

إتلموا الحبايب

والفجر اللي غايب

جي لأحلى دانا

جي لأحلى دانا

السعد طريق

السعد طريق

.................

من بعد سنين

قلبي المسكين

مكتوبله يعيش ساعة هنيّة

الغربة أنين

والشوق سكاكين

بتقطّع في الروح بقسية

دلوقتي انا جيّالكوا يا أهلي

في طريقكوا الكعبة بتندهلي

بالشوق اللي ف قلبي ح البّي

لو أمشي السكة على عنيّا

دا منايا بجد أتوب وأدوب

والاقيلي شروق من بعد غروب

السعد طريق وقدر مكتوب

واهو جالي اليوم حن عليّا

من بعد زمان

غربة وحرمان

راجعة لعنوان ضم صبايا

قلبي يا عطشان

إنسى الأحزان

واتهنّى ولو ساعة معايا

أنا جيّة وفاردة القلب طريق

وبصب الشوق أباريق أباريق

بزيارة الكعبة حبلّ الريق

واشرب من أهلي الحنيّة

من بعد سنين

..........................

رد: أنا يا جماعة بقيت ف ذهول

ليه تشتمها وهي حياتك

عز الليل بتكون شمعاتك

والله دي ليها الجنة بحالها

علشان قبلت تبقى مراتك

رد: انا ياحبيبتي مش انا علشان انا في وقت واحد.....

مكتوب في ارض المحن




تبقى الوحيد في الروح




مكتوب عليك الشجن




يسكن حواري الروح




وانت اللي قلبك ولي




الحزن موجه علي




مكتوب تكون مبتلي




بالشوق منين ماتروح

رد: قلبي صندوق للبريد

يابو قلب صندوق للبريد




إيه عندها بيسُر




فى طريقها باب مقفول حديد




حالف ما حد يمر




يا سندباد بحر الهوى




البحر لما يزوم




يكسر جوانب مركبك




يرميك صريع العوم




وانت الضعيف يا ولد




مش قد صد الريح




إزرع رسايلك كلها




عنباية للمجاريح




يمكن في لحظة طرحها




تجمع غُنا وتفاريح




والريح في ساعة ضربها




تقسمها ع العشاق




من طعمها الترياق




يتبل ريق الكل

..........................

دنيا

.........

جراح الكون محاصرانا

في سكة توهة رميانا

ولو قولنا أهين يانا

نلاقي الدمع ف عنينا

تاخدنا السكة نتباعد

نقرّب تاني نتواعد

نلاقي طريقنا بيعاند

وبيبعتر خطاوينا

مراكب شوقنا بتعافر

في بحر وموجه كان كافر

بيسحب روحنا ويسافر

مالوش أخر ولا مينا

يا دنيا إيه جرى ليكي؟!

ما كنّا بشوق نلاغيكي

قوليلنا عملنا إيه فيكي

عشان برخيص تبيعينا

الليل يهيم ع البشر

سابح مع التيار

لكن ف قلبي أنا

دايما بشوفه نهار

واهو كل قلب يشوف

حسب الأمان والخوف

ولكل قلب ظروف

دي الجنة غير النار

.......................

رد على الشاعرة



تقى المرسي

الليلْ صحيح له قمرْ

وانا ليلي فيه قمرينْ ..

واحد بعيدْ في السما

صاحبي بقاله سنينْ..

والتاني رغم البعادْ ..

أنا بطوي كل البلادْ ..

ألقاه قمرْ غربتي ..

ساكنْ في ننْ العينْ ..!!