قلبك يا شاعر باب

لو غاب شعاع الشمس

فى الكون البعيد

والليل هجم ع القلب

بجناحه العنيد

قلبك يا شاعر باب

مفتوح على الأجناب

يطرد ظلام وسحاب

ويغنى غنوة أمل

يطلع نهار مكتمل

والشمس تحدف غزل

للدنيا من جديد

12 شهر يا قناديلنا

والنور بيزيد اكتر واكتر

12 شهر ومن تاتا

لعروسة وف الزفة تنوّر

والناس من كل مكان بتدور

حوالينها تدوق من طعم النور

وازاى الصحرا الناشفة البور

بإيدين العشاق بتخضّر

12 شهر ويوم ورا يوم

احلامنا الحلوة بتتفسّر

إفرد دراعك مهما كنت جريح


إضحك وسيبك م الهموم يا فصيح


مهما الطريق يتسد هده بخطوتك

وبضحكتك قادر تصد الريح

*******

عشان عيون الولد والبنت بنغنّى

وان يوم جرحهم هوا الأهه تألمنى

واكتب قصايد أمل للعاشق الحيران

كل الغرام فى الكون من شعرى متحنّى