الأحد، 13 يونيو 2010

رد

لو ع الفقر بسيطة يا صاحبي
ممكن جدا برضه نخبّي
بس هنعمل ايه في الدنيا
ماهي زلّة الطفل اللي بيحبي

ما تغيبش

......

إحلفلي بضي عنيك

ما تغيبش دقيقة يا غالي

إحلفلي الله يخليك

وكفاية سهرت ليالي

أنا خايفة ف يوم تفارقني

وتسيبلي دموع تحرقني

لو كنت بجد عاشقني

إحلفلي وطمّن بالي

ف غيابك كنت ف حيرة
مش لاقية طريقي ونفسي

ودموعي ف ليلي كتيرة

أوهامي خدتني ليأسي

أترجّى نسيم الليل

ييجي يجيبلي المراسيل

ونجوم الليل قناديل

تواسيني وتبكي لحالي

ورجعت ورجعت روحي

ماهي كانت رايحة معاك

واتبدّل دمعي ونوحي

لغناوي تقول عشقاك

إعشقني وقد ما تقدر

وانا هطلب منك أكتر
إملالي الكاس المرمر

أشرب وأكيد عزّالي

.......................

الأربعاء، 9 يونيو 2010

كل البنات أزهار

ياسمينة أو سوسنة

وساعات تكون أشعار

غنواية أو دندنة

لكن أنت فوق الكل

نسمة ورموشك ضل

والضحكة لما تهل
يا ميلا تفرد هنا
لو يقولولي العالم سكر

برضه ياروحي بحبك أكتر

دانت يا ميلا الشمس بعينها

ضحكة عينك شهد مكرر

الأحد، 6 يونيو 2010

ميلا

ميلا يا كلمة بشوق حسّاها

جاية وجايبة معاها الشمس

أمك إيه.. ماخلاص هنساها

دا مافيش غيرك انت وبس

أصل أعز الولد عليّا

ولد الولد وبرضه شوية

انت النور والهوا والميّة

بيكي الروح بتطير وتحس

ومافيش غيرك إنت وبس

الجمعة، 4 يونيو 2010

‎Neama Nasser‎متهمش تهميشا متهمش // رد

من يقبل تهميش ف الصفحة
يتحمل ركنته ع الرف

واللي يكون عنوان هيكمّل
يوصل حتما أول صف

خودلك موقف دوس على جرحك
دوس على حزنك واعلن فرحك

إضحك خلّي الكون يضحكلك
تلقى الجرح ف قلبك خف

الأربعاء، 2 يونيو 2010

بداية القصة مفهومة

ومتشافة كمان بالعين

يهود ملاعين وعايزنا

نعيش العمر مذلولين

وايد الغرب بتساعد

مناهم بس نتباعد

ياريتنا يا أمة نتعاهد

نعيد خيبر .. نعيد حطين